№1 Тахкикъат изоляторыны Къырым Муфтисининъ муавини Мухаммед Исламов зиярет этти. Зиярети эснасында динлерара иш группасынынъ топлашувы олып кечти. Тедбирде экинджи ярымйыллыкъкъа умумий ишнинъ планы бельгиленди.
Джезаларны иджра этюв федераль хызмети идареси (УФСИН) башлыгъынынъ инангъанлар иле ишнинъ тешкиль этилюви боюнджа ярдымджысы Роман Цурканнен берабер Муфти муавини муэссиседе булунгъан махкюмлерни зиярет этти. Динлернинъ векиллери махкюмлер къалгъанлары ернинъ шартларыны тешкерип, диндашларынен сухбетлештилер.
Сухбет девамында маневий-ахлякъий тербие, динлерара муаббетлик ве аньаневий къыйметлернинъ сакъланувы мевзулары ачыкъланды. Мухаммед Исламов махкюмлернинъ суаллерине джевап берди ве оларнынъ маневий илерилемелери ве къанун боюнджа яшамалары ичюн огютлер берди.
Бойле корюшювлер УФСИН-нинъ диний тешкилятлар иле ишбирлиги черчивесинде даимий шекильде динлерара диалогны эйилештирмек ве махкюм олгъан инсанларгъа маневий дестек бермек макъсадынен кечириле.
Къырым МДИ матбуат хызмети