Къырым Муфтисининъ муавини Мухаммед Исламов Акъмесджиттеки №1 тюзетюв колониясыны зиярет этип, анда диндашларымызнен корюшти. Зиярети эснасында о, маневий къыйметлерни ве аньаневий маневий-ахлякъий тербиени тутып сакъламакъ киби муим мевзуларны котерди.
Корюшюв черчивесинде джемаат намазы къылынды, мусульманлар ве джумхуриетнинъ бутюн сакинлерининъ эйилиги ичюн дуа окъулды.
Тедбир сыджакъ ве достане муитте кечти. Мухаммед Исламов диний маневий къыйметлернинъ сакъланувында берабердже гъайрет этмекнинъ эмиетини къайд этти.
Къырым МДИ матбуат хызмети