Къырымнынъ пайхтахтында «Къараманларнынъ балалары» лейхасы черчивесинде махсус арбий операция иштиракчилерининъ аилелери ичюн тантаналы тедбир олып кечти. Байрамгъа аналары ве велилеринен берабер эляк олгъан арбийлернинъ балалары давет этильди.
Тантаналы акъшамнынъ эсас вакъиасы – 70-тен зияде балагъа хатыра медаллерининъ ве шеадетнамелернинъ такъдим этильмеси олды. Балаларгъа бойле айры дикъкъатнынъ косьтерильмеси – бабаларынынъ къараманлыгъы хатырасынынъ ве буюк миннетдарлыкънынъ косьтергичидир.
Къырым Муфтиси хаджы Эмирали Аблаев адындан мусафирлерни Къырым Джумхуриети ве Севастополь шеэри мусульманлары диний идаресининъ диний тедбирлерни тешкиль этюв болюгининъ рехбери Зенифе Аблаева селямлады. О, лейха тешкилятчыларына тешеккюр бильдирди ве къараманларнынъ аналарына, къадынларына ве, ильк эвеля, балаларына мураджаат этти.
«Сизинъ бабаларынъыз – мертлик ве Ватангъа севгининъ энъ юдже нумюнелеридир, оларнен бутюн улькемиз гъурурлана. Сиз исе, къараманларнынъ балалары – бизим умумий дегеримизсинъиз, сиз де, олар киби, къараманларсынъыз. Унутманъыз, сиз ялынъыз дегильсинъиз. Сиз – бизим балаларымызсынъыз, ве биз янынъызда олып, сизге дестек косьтереджекмиз, ярдым этеджекмиз ве сизге бакъаджакъмыз», – деди Зенифе Аблаева.
Сыджакълыкъ ве дикъкъат иле толу тедбир буюк аджыны яшагъан къоранталар ичюн муим дестек арекети олды ве къайд этти ки, оларнынъ къараманлыгъы даима халкънынъ хатырасында къаладжакъ.
Къырым МДИ матбуат хызмети