Aqmescitniñ №1 apishasinde Dinlerara iş taqımınıñ körüşüvi olıp keçti | ЦРО ДУМК

Пн

30

января

8
Реджеб
1444 | 2023
Утр.6:36
Вос.7:55
Обед.13:01
Пол.15:25
Веч.17:58
Ноч.19:17
Времена намазов
Календарь 2023

Намаз

Aqmescitniñ №1 apishasinde Dinlerara iş taqımınıñ körüşüvi olıp keçti

Опубликовано:

Dinlerara dialog aftasınıñ yekünlenmesi çerçivesinde Dinlerara iş gruppasınıñ temsilcileri Rusiyeniñ Qırım Cumhuriyeti ve Sevastopol şeeri boyunca Cezalarnı icra etüv federal hızmeti idaresiniñ (ÜFSİN-niñ) №1 tüzetüv koloniyasını ziyaret ettiler. Qırım Cumhuriyeti ve Sevastopol şeeri Müftisiniñ yardımcısı, Aqmescit şeeriniñ baş imamı Muhammed İslamov, Qırım Cumhuriyeti ve Sevastopol şeeri boyunca Cezalarnı icra etüv federal hızmeti idaresi reisiniñ yardımcısı Roman Tsurkan ve Aqmescit yehudiy din cemiyetiniñ reisi Arkadiy Tsırulnikov iştirakleri ile, mezkür apishanede Dinlerara iş gruppasınıñ körüşüvi olıp keçti. Tedbirde, olardan ğayrı, № 1 TK terbiyelev işleri boyunca reis muavini Denis Dmitriyev iştirak etti. İş körüşüvi esnasında yapılğan işlerniñ neticesi belgilendi. “Rusiye halqlarınıñ birligi” şiarı altında keçken aftanıñ neticelerini muzakere ettik. Bütün din vekilleriniñ birlik olmaq kerekligi mevzusına urğu yaptıq. Bütün milletler ananeviy qıymetler etrafında birleşmeli”, – dep, qayd etti Muhammed İslamov.

Ondan da ğayrı, ibadet içün odalar meselesi köterildi. “Apishane saasında cami bar. Musulmanlar o yerde ibadetlerini yerine ketireler, kerekli diniy edebiyat da mevcut, cuma namazları keçirile, ondan da ğayrı, namaz qılğan mahkümler içün camini ziyaret etüv vaqıtları cedveli tertip etilgen”, – dep, añlattı Muhammed İslamov.

Dinlerara taqım işini devam eterek, dekabr ayında yapılacaq işlerniñ planlarını belgiledi. Dinlerara taqımnıñ azaları mahkümler ile suhbetler keçirip, zemaneviy ayatta diniy teşkilâtlarnıñ rolü, temel diniy bilgiler, diger din vekillerine sayğı ile davranmaqnıñ kerekligi ve radikal fikirlerniñ tehlikesi, olardan nasıl qaçınmaq kerekligi aqqında suhbet keçirdiler.

Körüşüvniñ soñunda mahkümler arasında diniy mevzuda bilgi yarışması keçirildi.

Tedbirniñ esas maqsadı – farqlı din vekillerine nisbeten hoş munasebet ve musamahanı teşkil etip pekitmek, dinlerara ve halqlarara barışıqlıqnı teminlemektir.

 

Qırım MDİ matbuat hızmeti