Bağçasaray rayonınıñ Küçük Yaşlav (Viktorovka) köyünde qadınlar ve balalar içün İslâm temelleri kursları açılacaq. Kurslarda temel diniy bilgiler, arap elifbesi ve Quran oquvı ögrenilecek, buña ilâve olaraq, namaznıñ qılınması, abdest, gusulniñ alınması boyunca ameliy dersler olacaq, peyğamberlerniñ ayatı ve musulman diniy bayramlarğa bağışlanğan tematik lektsiyalar keçirilecek.
Birinci ders fevral 26 künü, saat 15:00, camide ötkerilecek.
Yazılmaq ve tafsilâtlı malümat almaq içün telefon: +7 (978) 048-39-12 Gülsum oca Acibekirova.
Qırım MDİ matbuat hızmeti