Еди Къую районынынъ Багерево къасабасында джамининъ ильк ташыны къоюв мерасими олып кечти. Шу ташнынъ ичине келеджек несиллер ичюн учь тильде азырлангъан бир мектюп ерлештирильди.
Джамининъ къуруджылыгъы ичюн бир гектар топракъны къасабанынъ мемуриети айырды. Джамининъ мекяны ерли дин джемиети иле Къырым Джумхуриети ве Севастополь шеэри мусульманлары диний идаресинен анълашылып сайланды.
Къырым мусульманларынынъ Муфтиси хаджы Эмирали Аблаев адындан Муфти муавини Эдем Люманов чыкъышта булунды. О, Къырым Джумхуриетининъ Башлыгъы ве ерли мемуриетке муим диний лейхаларны омюрге кечирмеге ярдым эткенлери ичюн тешеккюрлер бильдирди. Бундан да гъайры, къасабанынъ сакинлери иле бирликте дуа окъулды.
Джами 300 кишиге къарарлаштырыла.
Къырым МДИ матбуат хызмети