Beslan balalarına | ЦРО ДУМК

Вторник

25

июня

19
Зуль-хидждже
1445 | 2024
Утр.2:50
Вос.4:48
Обед.12:51
Пол.16:55
Веч.20:44
Ноч.22:41
Времена намазов
Календарь 2024

Намаз

Beslan balalarına

Опубликовано:

V. İ. Vernadskiy adına Qırım federal universitetinde Terrorizmnen küreşte
birdem oluv kününe bağışlanıp, "Beslan balalarına" adlı er yıl keçirilgen yaşlar
aktsiyası olıp keçti. Tedbirde Qırım Cumhuriyeti ve Sevastopol şeeri Müftisiniñ
muavini Raim Ğafarov de iştirak etti.
"Beslan faciası – dinimizge ve milletimizge baqmadan, epimiz içün umumiy
faciadır. Biz şu dehşetli vaqialarnı iç bir vaqıt unutmamaq kerekmiz, aksine, böyle
vaqialar tekrarlanmasın dep, elimizden kelgenini yapmalımız. Bizim küçümiz
birlikte, bir-birimizni añlamaq ve yardımlaşmaq ğayretimizdedir", – dep, qayd
Raim Ğafarov.
Tedbirde akimiyet organlarınıñ, diniy teşkilâtlarnıñ, milliy-medeniy
muhtariyetlerniñ ve cemaat teşkilâtlarınıñ, aliy oquv yurtlarınıñ vekilleri, talebeler,
kazak sınıfları iştirak etti.
Aktsiya esnasında Beslan faciasına bağışlanğan bala çıqışları ve teatr
numayışı olıp keçti.

Ananeviy olaraq, tedbir Qırım federal universitetiniñ Qızıl Emek Bayrağı
ordenli Tibbiy institutında olıp keçti. Teşkilâtçıları – V. İ. Vernadskiy adına QFU,
Fevzi Yaqubov adına QMPU ve Qırım Cumhuriyetiniñ Yaşlıq siyaseti boyunca
devlet komitetidir.

QMDİ matbuat hızmeti