Qırım Cumhuriyeti ve Sevastopol şeeri musulmanları diniy idaresinde birden bir qaç iş adamına elâllıq sertifikatları taqdim etildi. İnsanlarnıñ eyiligi içün muvafaqiyetli çalışmalar tilegi ile vesiqalarnı Qırım musulmanlarınıñ diniy yetekçisi hacı Emirali Ablayev berdi.
Vesiqanı “Temiz” ticariy markasında çalışqan ve kolbas mahsulatlarını satqan iş adamı Aliyev Marlen Seitâhyayeviç aldı.
“Simurg” qavehanesiniñ rehberi Ablayev Mustafa Aliyeviç de elâllıq sertifikatını devam ettirdi. Qayd etmeli ki, qavehane birinci ve ekinci sıcaq aşlarnı, qavurılğan etni, tava kebapnı, suvuq qavaltılarnı, etli ve balıqlı salatalarnı teklif ete.
“HAYAT” ticariy markasınıñ rehberi Mamedov Ekrem Bahtıyaroviç de elâllıq sertifikatını devam ettirdi. O, qara zere yağı ve çeşit vitamin komplekslerini sata.
İhtar: Elâllıq sertifikatını almağa istegen iş adamları QMDİ “Elâl” sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +79780741847, ya da el.adres: halal@qmdi.ru
Qırım MDİ matbuat hızmeti