Bütün dinlerniñ mabedlerinde dua merasimleri keçirildi | ЦРО ДУМК

Четверг

28

марта

18
Рамазан
1445 | 2024
Утр.5:02
Вос.6:20
Обед.12:53
Пол.16:20
Веч.19:16
Ноч.20:34
Времена намазов
Календарь 2024

Намаз

Bütün dinlerniñ mabedlerinde dua merasimleri keçirildi

Опубликовано:

Bugün Qırımnıñ bütün camilerinde 1944 senesi, mayıs 18 künü qırımtatar halqınıñ Qırımdan sürgün etilüvi qurbanlarınıñ hatırasına bağışlanğan dua merasimleri olıp keçti.

Bundan da ğayrı, bütün dinlerniñ mabedlerinde muabbetlik içinde yaşav, qarşılıqlı añlayışta oluv, Qırım toprağınıñ güllemesi ve insaniyetlikke qarşı böyle cinayetlerniñ tekrarlanmaması içün dua merasimleri ötkerildi.

Buña ilâve olaraq, qırımtatar halqınıñ sürgünligine bağışlanğan merasimler çerçivesinde cumhuriyetniñ oquv yurtlarında açıq dersler, aliy oquv yurtlarında lektsiyalar, kitaphane ve müzeylerde sergiler, Qırım Cumhuriyetiniñ belediyelerinde hatıra abideleriniñ yanına güldestelerniñ qoyuluvı planlaştırıla. Aqşam, saat 17.00-de Bağçasaray rayonındaki “Süren” demiryol durağında “Qırım halqlarınıñ ğayrıdan tiklenüviniñ yolu” memorial külliyesinde hatıra merasimi ve “Qalbiñde ateş yaq” aktsiyası keçirilecek.

Qırım MDİ matbuat hızmeti