Qurman rayonınıñ Buzavçı (Novopokrovka) köyünde yazlıq din kuru yekünlendi. Bayram tedbiri çerçivesinde balalar yaz devamında alğan bilgilerini numayış etip oldılar. “Künümizde ana-babalarnıñ balalarınıñ diniy tahsiline büyük diqqat ayırğanı pek müimdir. Qırım Müftiliginiñ maarif işi sayesinde, atta, Qırımnıñ uzaq köylerinde bilgi almağa imkân bar, camiler yanında diniy kurslar faal şekilde çalışa”, – dep, qayd etti Buzavçı köyüniñ imamı Alim Samedinov.
İntellektual yarışnıñ neticeleri boyunca birinci yerni Suriye Bekirova aldı, ekinci yerni Sabina Seitmemetova qazandı, üçünci yerge ise, Yasmina Seydametova nail oldı. Yarışnıñ ğalipleri bahşışlar ile taqdirlendiler.
Qırım MDİ matbuat hızmeti