Qırım Cumhuriyeti ve Sevastopol şeeri musulmanları diniy idaresinde Canköyde çalışqan iş adamı Paşayev Refat Qudusoviçke elâllıq sertifikatı berildi.
İşlerinde muvafaqiyetler tilep, vesiqanı Qırım musulmanlarınıñ diniy yetekçisi hacı Emirali Ablayev taqdim etti. O, Canköy rayonında elâl sanayısınıñ inkişafı içün Canköy rayonınıñ baş imamı Eldar Acibikerovge ve Canköy bölgesi din cemiyetleriniñ reisi Aziz Memetovğa teşekkürler bildirdi.
Qayd etmeli ki, iş adamı Refat Paşayev №1 ethanede çalışa, o, büyük baş ve kiçik baş ayvanlarlarnıñ, quşlarnıñ etini, marinadlanğan et sata. Bundan da ğayrı, satıluvda mantı, tatar aş, samsa içün yarı fabrikatlar ve kolbas mahsulatları bar.
İhtar: Elâllıq sertifikatını almağa istegen iş adamları QMDİ “Elâl” sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +79780741847, ya da el.adres: halal@qmdi.ru
Qırım MDİ matbuat hızmeti