Canköy rayonınıñ Yañı Canköy (Novostepnoye) köyünde imamlarnıñ ve din cemiyetleri başlıqlarınıñ nevbetteki er aylıq toplaşuvı olıp keçti. Din cemiyetleriniñ azaları olarnı raatsızlağan meselelerinen paylaştılar, keleyatqan Qurban bayramına bağışlanğan tedbirlerni muzakere ettiler. Tedbirniñ soñunda din hadimlerine “Hidayet” gazetası ve “İkmet çoqrağı” mecmuasınıñ yañı sanları tarqatıldı. Yaqın zamanda tecribenen paylaşmaq maqsadınen rayon din hadimleriniñ çıqış toplaşuvları keçirilmesi de planlaştırıla.
Qırım MDİ matbuat hızmeti