Haberler
Aqmescitniñ yañı avalimanında namaz odası açıldı (FOTO)
Опубликовано:
Qırım Müftisiniñ yardımcısı Raim Ğafarov yañı avtovokzal komplesiniñ birinci yolcularınıñ qarşılav tedbirinde iştirak etti. Tedbir çerçivesinde jurnalistlerge namaz odasını kösterdiler. Mında müsulmanlar ibadetlerini yerine ketire bilecekler. "Biz mahsus namaz odalarını azırladıq. O, eki - qadın ve erkek - qısımlarına bölüngendir. Mında namaz qılmaq içün bütün kerekli şeyler bar – namazlıq, tespi, ayaqqap içün raflar ve eñ esası - muqaddes Quran kitabıdır. Namaz odasınıñ yanında abdesthane bar. Avianaqliye ile seyahat etken müsulmanlar mında diniy ibadetlerini yerine ketire bilecekler", - dep ayttı Raim Ğafarov. Raim oca, daa fevral ayında qurucı şirket ile namaz odasınıñ qurulması aqqında qarar alınğanını, Müftilik hadimleri bu yerge kelip, dünyanıñ er noqtasından Saudiya Arabistanınıñ Mekke şeerindeki muqaddes Kâbe tarafına baqqan Qıbla yöñelişini belgilegenini ilâve etti. Namaz odasınıñ yanında hristianlar içün ibadet odası yerleşkendir. Qırım MDİ matbuat hızmeti [gallery link="file" columns="4" size="medium" ids="14136,14134,14132,14130,14128,14126,14124,14122,14120,14118,14116,14114,14112,14110,14108,14106,14104,14102,14100,14098,14096"]
Qırımda “İrfan” adlı birinci islâm internet-radiosı açıldı (FOTO)
Опубликовано:
Aqmescitte Qırım müsulmanları Diniy idaresiniñ Qırımda birinci olğan islâm "İrfan" adlı internet-radiosınıñ taqdimi olıp keçti. Teşkilâtçılarnıñ sözlerine köre, Qırım içün bu yañılıqtır, ve o, öz mühlislerini tapıp, internet-yayınlav ağında öz yerini tapar. Qırım Müftisi haci Emirali Ablayev radio hadimlerine muvafaqiyetler tiledi. "İnkişaf ve mükemmeleşüv – bizim esas maqsadımızdır. İnkişaf etmesek, milletimiz yoq olur. Bilgilerimizni kendimiz ve milletimizniñ inkişafına qullanmalımız. Unutmañız ki, biz er şeyni milletimizniñ, Vetanımıznıñ kelecegi içün yapamız", - dep qayd etti Qırım Müftisi. İnternet-radiosınıñ meydanğa ketirilmesi aqqındaki ğaye endi çoqtan peyda oldı. Bir yıl devamında köntentniñ şekillenmesi, teşkiliy ve tehnikiy iş devam etti. Radionıñ meydanğa ketirilüvi içün Qırım müsulmanları Diniy idaresiniñ taqımı çalıştı. Müftilik hadimleri bir sıra yayın ve rubrikalarnı azırladılar. Qırım Müftisiniñ muavini Esadullah Bairovnıñ teklif etken ğayesi ömürge keçirildi. "İrfan" radiosı dinimiz, müsulmanlarnıñ yaşayış tarzı aqqında tarif ete. Yayınlar qırımtatar ve rus tilinde çıqacaq. İleride ise cuma namazları, hutbeler, diniy tedbirlerden canlı yayınlar yapılacaq. Yayınlav cedvelinde aktual malümat, müsulman dünyasınıñ haberleri, Peyğamberimiz (s.a.s) ve sahebelerniñ ömüri aqqında rubrikalar, qırımtatar, arap, ingliz tili dersleri mevcut. Bundan da ğayrı, internet-radio seyahatlar, meraqlı faktlar, ilim ve tehnika saasındaki yañılıqlar aqqında tarif etecek. Mında ruhiyatçılarnıñ tevsiyeleri, balalar içün masallar, ilâhiler yañğıraycaq. "İrfan" radiosınıñ prezentatsiyasına Rusiye Devlet Dumasınıñ deputatı Ruslan Balbek, milletlerara munasebetler ve sürgün etilgen insanlarnıñ işleri boyunca Devlet Komitetiniñ reisi Lenur Abduramanov, Qırım müendislik ve pedagogika universitetiniñ ocaları, cemaat teşkilâtlarınıñ azaları ve Azov medresesiniñ ocaları ve talebeleri qoşuldılar. Bayram devamında Qırımda nam qazanğan artist Rustem Memetov, yırcı Bekir Adilov ve Kebir caminiñ imamı Edem Lümanovnıñ icrasında ilâhiler yañğıradı. Musafirlerni "Emanet" bala ansabliniñ iştirakçileri ve Muhammed Peyğamberge (s.a.s) bağışlanğan şiirler yarışınıñ ğalipleri quvandırdı. Bundan da ğayrı, tedbir musafirleri sual-cevap yarışında iştirak etip, bahşiş qazandılar "İrfan" radiosını onlayn rejiminde Qırım Müftiliginiñ saytında ve mahsus ilâvede diñlemek mümkün. Qırım MDİ matbuat hızmeti [gallery link="file" columns="4" size="medium" ids="14048,14064,14068,14078,14090,14094,14092,14086,14084,14082,14080,14076,14074,14070,14072,14066,14056,14062,14060,14058,14054,14052,14050,14046"]
Qırımda Muhammed Peyğamberge (s.a.s) bağışlanğan şiirler yañğıradı (FOTO)
Опубликовано:
Aqmescitte balalar arasında Muhammed Peyğamberge (s.a.s.) bağışlanğan "Muhammed (aleyhi selâm) insanlarnıñ eñ güzeli — lV" adlı şiirler yarışı olıp keçti. Tedbir Qırım ve Sevastopol müsulmanları Diniy idaresiniñ "Faydalı ilim" maarif leyhası tarafından teşkil etildi. Tedbirde Qırımnıñ farqlı köşelerinden kelgen 25 bala iştirak etti. Yarış eki basamaqtan ibaret oldı: birincisi 5-8 yaşlı balalar içün keçirildi, ekincisine ise 9-14 yaşlı balalar kirdi. Kenceler kategoriyasına kirgen iştirakçiler güzel neticelerge nail olıp, "Büllür" teşkilâtı tarafından "Seyircilerniñ sevgisi" nominatsiyasında bahşiş aldılar. Birinci yerni Aliye Akmollayeva aldı. Altı yaşlı qızçıq samokat qazandı. "Seyircilerniñ sevgisi" nominatsiyasında on yaşındaki Amina Resulova ğalip olıp çıqtı. Ekinci kategoriyadaki balalar da bilgiler ve merafetniñ yüksek seviyesini numayış ettiler. Birinci ve ekinci yerni eki tata-qardaş Rukiye ve Reyan Keleş aldılar, yaşları 12 ve 9-dır. Qızlar bahşış olaraq ayaqmaşina saibeleri oldılar. Üçünci yerge ise 14 yaşlı Fatma Capparova nail oldı. "Muhammed (aleyhi selâm) insanlarnıñ eñ güzeli" yarışı QMDİ tarafından dörtünci kere ötkerilip, er senelik tedbir oldı. QMDİ matbuat hızmeti [gallery link="file" columns="4" size="medium" ids="14045,14043,14041,14039,14037,14035,14033,14031,14029,14027,14025,14023,14021,14019,14017,14015,14013,14011,14009,14007,14005,14003,14001,13999,13997,13995,13993,13991,13989,13987,13985,13983,13981,13979,13977,13975,13973,13971,13969,13967,13965,13963,13961,13959,13957,13955,13953,13951,13949,13947,13945,13943,13941,13939,13937"]
Bağçasarayda “Terciman” gazetasınıñ 135-yıllığı qayd etildi
Опубликовано:
Qırım Müftisiniñ muavini Esadullah Bairov türk dünyasındaki eñ meşur "Terciman" gazetasınıñ 135-yıllığına bağışlanğan tedbirde iştirak etti. Tedbir teşkilâtçıları İsmail Gasprinskiy adına memorial müzeyi GBU RK "Bağçasaray tarihiy-medeniy ve arheologik müzey-qoruq" ve Qırım müendislik ve pedagogika universitetiniñ qırımtatar edebiyatı ve jurnalistika fakültetidir. "Terciman" gazetasınıñ birinci adımları, neşirde köterilgen mevzular, olarnıñ populârlığı, zemaneviy zamanda publitsistik ve ilmiy edebiyatnıñ inkişafı mevzusında maruzalar oquldı. "Ğayelerimiz pek çoq. Bugünki künde bir sıra devlet leyhaları ve sımarışları bar. Amma biz kendi menbaamız aqqında unutmamalımız. "Terciman" gazetasınıñ tarihına baqsaq, bilemiz ki, Gasprinskiy, dergini populârlaştırmaq içün yardımcılarnı celp etken edi. Bu işte gazetağa destek köstergen farqlı fondlar, vaqıflar iştirak etkendir. Bugünki künümizge baqsaq, ziyalılarğa destek bermege azır olğan bir qaç fondnı bilemiz ve bu işte qol tutacaq yaşlar da bar. Qırım Müftiliginiñ teşebbüsinen meydanğa ketirilgen qırımtatar halqı Şurası öz esas yöñelişlerinden biri olaraq aynı müim esnaslarnıñ maddiy destegini seçip aldı", - dep ayttı Esadullah Bairov. Aprel 10 künü 1883 senesi "Terciman" gazetasınıñ birinci sanı dünya yüzüni kördi. O, Bağçasarayda belli maarif İsmail Gasprinskiy tarafından neşir etilgen. 30 yıl devamında "Terciman" Rusiyedeki türk dünyasınıñ yekâne basma neşiri olıp, XIX soñu – XX as. başında siyasiy, içtimaiy, medeniy ve iqtisadiy ayatnı obyektiv olaraq aydınlatqandır. [gallery link="file" columns="4" size="medium" ids="13927,13925,13923,13921,13919,13917,13915,13913,13911,13909,13907,13905,13903,13901,13899"]
Qırım müsulmanları Mirac gecesini qayd etecekler
Опубликовано:
Bu gece Muhammed Peyğamber (s.a.s) kök yüzü seyahatını yapıp, cennet ve cehennemni kördi, yedinci semada Allahnıñ uzurına kelip, ondan evel kelgen diger peyğamberlernen körüşti. Bundan da ğayrı, aynı bu gece Peyğamberge namaz emir etilip, qaideleri belgilendi, o vaqıttan başlap, bu ibadet farz oldı. 2018 s. Mirac gecesi aprel 13-14 kününi bağlağan gecege doğru kele. Qadır gecesinden soñ bu gece musulmanlar içün eñ qıymetli gecelerinden biri sayılmaqta. Bugün bir sıra Qırım camilerinde aqşam namazından soñ, mahsus programmalar ötkerilecek. Müsulmanlarğa İslâm tarihında bu vaqianıñ yeri ne qadar emiyetli olğanı añlatılacaq, Quran, "Yasin" suresi oqulacaq. Müsulmanlar yerli camilerge davet etile. Bundan da ğayrı, diniy programma Aqmescitniñ merkeziy Kebir camisinde de keçirilecek. Bu gece seyahatı 621 senesi Receb ayınıñ 27 künü olıp keçti. Gece dualar, Peyğamberimizniñ miracı aqqında ikâyelernen keçirmek kerektir. Salman Farisiniñ rivayet etkenine köre, Peyğamberimiz (s.a.s.) böyle dedi: "Receb ayında hususiy bir kün ve hususiy bir gece bar, bu aynıñ yigirmi yedinci gecesidir. Bu künni Oraza, geceni ibadetler ile keçirgen insan yüz yıl oraza tutıp, ibadet etkeni kibi sevabını qazanır". QMDİ matbuat hızmeti
2018 senesi Hacılıqqa vesiqalarnıñ qabul etilmesi devam ete
Опубликовано:
Qırım ve Sevastopol şeeri müsulmanları Diniy idaresi erkânında faaliyet köstergen "AVN-Tur" hacılıq-operatorı hatırlata! 2018 senesi Hacılıqqa vesiqalarnıñ qabul etilmesi devam ete. 2018 senesi Hacılıqqa barmaq istegenlerniñ sayısı çoq olğanı içün, müsulmanlarğa vesiqalarnı tezce teslim etmege tevsiye etile. Hacılıq yerini ayırtıp saqlamaq içün, seçilgen bölükteki fiyatnıñ 50% ödemek lâzimdir. Vesiqalar Qırımda Aqmescit ş., Çehov s., 20 ve Moskva ş., Orconikidze s., 11, 1a binası, XVI ofisinde qabul etile. Malümat içün telefon: Qırımda +7978 0908 202 ya da 8 800 5513130 — Rusiye boyunca telefon etmek bedava. Hacılıqqa yazılmaq içün RF iç pasportı + kserokopiyası; — tölev aqqında kvitantsiyasını (eñ azı 50%) ketirmek kerek; QMDİ matbuat hızmeti
Qırım Müftiligi Ermeni Bazar civarında yüz bergen qaza ile bağlı taziye bildirdi
Опубликовано:
Qırım müsulmanları Diniy idaresi ve şahsen Qırım Müftisi hacı Emirali Ablayev Ermeni Bazar şeeri civarında olıp keçken yol qazası neticesinde elâk olğanlarnıñ qorantalarına teren taziye bildirdi. Qaza aprel 8 künü Krasnoperekopsk ve Ermeni Bazar şeerleri arasında yerleşken demiryol keçitinde olıp keçti. «Allah elâk olğanlarnıñ qorantalarına küç ve sabır bermesine dua etemiz, qazada zarar körgen ve şimdi hastahanede bulunğanlarğa ise Rabbimiz şifa bersin». Ermeni Bazar şeeri civarında demiryol keçitinde marşrutka Keriç-Ermeni Bazar şeer arası tren ile çatıştı. Qaza neticesinde beş insan elâk oldı, daa yedi adam yaralandı. İlk malümatlarğa köre, Sevastopol – Ermeni Bazar marşrutı boyunca qatnağan Mersedes-Bents "Sprinter" markalı mikroavtobus Ermeni Bazar şeerinden 3 km uzaqlıqta demiryol keçitinde poyezd ile çatıştı. Qazanıñ sebeplerini ögrenmek içün, mahsus iş taqımı çalışacaq. QMDİ matbuat hızmeti
Qırımda İslâm aqqı ıstılalarını añlatqan kitap neşir etildi
Опубликовано:
[caption id="attachment_13557" align="alignleft" width="100"] image description[/caption] Qırımda "Efal-i mükellefin" serlevalı kitap dünya yüzüni kördi. Onıñ müellifi Qırım Müftisiniñ muavini, İslâm aqqı magistri Ayder İsmailovdır. Kitap Qırım ve Sevastopol şeeri musulmanları Diniy idaresi tarafından neşir etildi. Kitapta efal-i mükellefin İslâm aqqı dispoziyatsiyalarınıñ teñeştirüv taqrizi taqdim etile. Shematik taqdim, tasnif ve misallerniñ vastasınen kitapta "farz", "haram", "elâl", "sunnet" kibi esas İslâm dini ile bağlı olğan ıstılalar añlatıla. Bundan da ğayrı, kitapta bazı ıstılalarnıñ yañlış añlavı ve olarnıñ doğru qullanılmasınıñ qaideleri taqdim etilmekte. "Efal-i mükellefin" kitabında oquyıcı diniy edebiyatnıñ doğru añlavı, İslâm istilalarnıñ manası ve olarnıñ kündelik yaşayışımızda qullanıluvı aqqında faydalı malümat tapabile. Kitapnıñ mündericesi ile Qırım musulmanları Diniy idaresi resmiy saytınıñ "Diniy edebiyat" bölüginde tanış olmaq ve onı endirmek mümkün http://qmdi.ru/efal-i-mukellefin/ Kitapnı satın almaq içün Qırım ve Sevastopol musulmanları Diniy idaresine: Aqmescit şeeri, Kurçatov, 4 ya da "Terciman" kitap Evine: Aqmescit şeeri, Sevastopolskaya, 44, adresi boyunca muracaat etmek mümkün. QMDİ matbuat hızmeti
Aqmescitte “Altın nesil”niñ körüşüvi olıp keçti (FOTO)
Опубликовано:
"Altın nesil" bala-gençler müsulman klubı nevbetteki er aylıq körüşüvini keçirdi. Klub iştirakçilerine Aqmescit rayonınıñ Levadki qasabasında ötkerilgen İslâm dini kurslarına qatnağan balalar da qoşuldı. Tedbir Qırım ve Sevastopol şeeri müsulmanları Diniy idaresiniñ "Faydalı ilim" maarif leyhası çerçivesinde ötkerildi. Ay devamında ösmürler çeşit onlayn yarışları, kvest ve viktorinalarda iştirak ettiler, körüşüvde de olar içün viktorina ve üç Muqaddes aylar aqqında subet keçirildi. İştirakçiler bu vaqıt oqulğan duanı ezberlediler. Körüşüvde ilâhiniñ icra etilüvi boyunca yarış ötkerildi. Balalar Muhammed (sallâllahu aleyhi ve sellem) ve Vetan aqqında yırlarnı icra ettiler. Yırlar yarışında Sureya Bairova ve Alime Çahmarova ğalebe qazandılar. Klub reberleri iştirakçilerni onlayn yarışlarında faal iştirak etkenleri içün taqdirlediler. Soñra balalar birlikte üyle yemegini pişirip, ilerideki planlarını muzakere ettiler. Umumen, tedbirde 20 bala iştirak etti. Hatırlatamız, "Altın nesil" bala musulman internet-klubı genç müsulmanlar içün faaliyet köstermekte. Onıñ esas maqsadı: 10-16 yaşındaki gençler içün alternativ müsulman qonuşuv meydanını qurmaqtır. Klub azası olmaq içün telefon nomerası: +79788639566. QMDİ MDT matbuat hızmeti
İslâm-Terek rayonında müsulmanlar içün ibadethane açıldı (FOTO)
Опубликовано:
İslâm-Terek rayonınıñ Vladislavovka köyünde musulmanlar içün ibadethane açıldı. Tedbirde QMDİ diniy teşkilâtlar ile alâqa bölüginiñ reberi Raim Ğafarov iştirak etti. O, Qırım Müftisi hacı Emirali Ablayev adından yerli sakinlerni hayırlap, bahşiş olaraq muqaddes Quran kitabını ediye etti. Yañı ibadethanede cemaat namazı, musulman cemiyeti ve yerli sakinler ile subet ötkerildi. İbadethane yerli musulman sakinleriniñ sadaqa paralarına qurulğan edi. Qurucılıq işleri bir yarım yıl devam etti. İleride ise minareniñ qurulması ve ibadethane civarındaki topraqlarnıñ abadanlıştırıluvı planlaştırıla. Raim Ğafarovnıñ sözlerine köre, qurucılıqta Türkiyede yaşağan qırımtatarlar da destek kösterdiler. "İbadethaneniñ açıluvına vetandaşlarımız bahşişlarnı – namazlıqlar, tabut içün örtülerni yolladılar. Bundan da ğayrı, minareniñ qurulmasında yardım etmege niyetindeler", - dep qayd etti Raim Ğafarov. Vladislavovka köyünde 200 yaqın qırımtatar qorantası yaşay. QMDİ MDT matbuat hızmeti [gallery link="file" columns="4" size="medium" ids="13457,13491,13489,13487,13485,13483,13481,13479,13477,13475,13473,13471,13469,13467,13465,13463,13461,13459"]
Aqmescit civarındaki camide talaqa keçirildi (FOTO)
Опубликовано:
Qırım müsulmanları Diniy idaresiniñ hadimleri Aqmescit civarındaki Beloye-5 qasabasında qurulğan camide ötkerilgen talaqada iştirak ettiler. Aqmescit şeer memuriyetiniñ teşebbüsinen teşkil etilgen tedbirde şeer başınıñ muavini İsmet Ablayev iştirak etti. Bundan da ğayrı, talaqağa "Ramadan" adlı yerli musulman cemiyetiniñ azaları ve qasaba sakinleri qoşuldı. Talaqa iştirakçileri cami azbarını, merkeziy kirişini temizlep, qurucılıq çöplerini çıqardılar, caminiñ içini cıyıştırdılar, binanıñ ğarbiy divarı boyu ineyapraqlı tereklerni saçtılar. QMDİ diniy teşkilâtlar ile alâqa bölüginiñ müdiri, Aqmescit rayonınıñ imamı Raim Ğafarovnıñ sözlerine köre, şeer akimiyeti talaqa keçirilecek yerni saylamağa imkân berdi. Bundan soñ QMDİ temizlev işlerini, Beloye-5 qasabasınıñ din cemiyeti ile birlikte bu camide keçirmege qarar aldı. "Cami toprağında talaqa keçirmek – savaplı bir iştir. Beloye-5 qasabasınıñ camisi yerli sakinler ve lâqayd qalmağan insanlarnıñ maddiy destegi ile qurula. Daa çoq işler yapılacaq, qurucılıq devam ete. Eminmiz ki, birlikte maqsadımızğa yetermiz ve caminiñ qapuları tek qasaba sakinleri içün degil de, bütün Qırım sakinleri içün açılacaq", - dep qayd etti Raim Ğafarov. Talaqa işleriniñ soñunda iştirakçilerge üylelik yemegi ikram etildi. Umumen, tedbirge 100-ge yaqın insan qoşuldı. QMDİ matbuat hızmeti [gallery link="file" columns="4" size="medium" ids="13295,13451,13449,13447,13445,13443,13441,13439,13437,13435,13433,13431,13429,13427,13425,13423,13421,13419,13417,13415,13413,13411,13409,13407,13405,13403,13401,13399,13397,13395,13393,13391,13389,13387,13385,13383,13381,13379,13377,13375,13373,13371,13369,13367,13365,13363,13361,13359,13357,13355,13353,13351,13349,13347,13345,13343,13341,13339,13337,13335,13333,13331,13329,13327,13325,13323,13321,13319,13317,13315,13313,13311,13309,13307,13305,13303,13301,13299,13297"]
Nijniy Novgorod şeerinde devlet-konfessional munasebetler muzakere etildi
Опубликовано:
Qırım M.ftisiniñ muavini Esadullah Bairov "Zemaneviy Rusiyede dünyabaqışnıñ birdemligi ve adetlerniñ farqlılığına esaslanıp, devlet - konfessional munasebetlerniñ inkişafı" ilmiy-ameliy konferentsiyasında iştirak etti. Tedbir Nijegorod devlet mimarcılıq-qurucılıq universitetinde olıp keçken "Çeşitlikte birlik" Bütünrusiye dinlerara leyhası çerçivesinde teşkil etildi. Konferentsiya çerçivesinde iştirakçiler ekstremizm ve terrorizmge qarşı devlet ve cemiyetniñ umumiy faaliyeti, cemiyet, devlet ve diniy teşkilâtlar arasındaki işbirlikniñ yañı yöñelişleri, Rusiye milletleriniñ birdemliginde tarihiy hatıranıñ müimligi kibi aktual mevzular muzakere etildi. Rusiyeniñ içtimaiy ayatında farqlı din ve milletler yaşağan etnik ve diniy faktorlarnıñ emiyetini izaat etkende, Esadullah Bairov devlet-konfessional munasebetlerniñ müimligini ayrıca qayd etti. "İnkişaf etmek içün imkânlar, müsulman kendisini cemiyetniñ tam manada azası olaraq sayğan şaraitniñ meydanğa ketirilüvi, keyfiyetli ruhiy ceetten terbiyelenüv ve tasil – ekstremizge qarşı eñ güzel ilâctır" , — dep qayd etti Esadullah Bairov. Konferentsiyada 500-den ziyade insan — RF Prezidenti Memuriyetiniñ vekilleri, Rusiye FADN, RF MOiN, Rusiye Prezidenti yanında çalışqan din cemiyetleri ile işbirlik Şurası ve milletlerara munasebetler Şurası, Rusiye dinlerara Şurası, diniy ve milliy teşkilâtlar, bundan da ğayrı, Privoljsk federal bölgesi Cemaat palatasınıñ azaları iştirak etti. Konferentsiyanıñ neticesinde Rusiye merkeziy diniy teşkilâtlarına devlet-diniy munasebetlerniñ qaviyleşmesinde faal iştirak etmege teklif ettiler. Bundan da ğayrı, konferentsiya çerçivesinde Bulğar islâm akademiyasına, onıñ tarafından milletlerara ve dinlerara barışığınıñ saqlanılması içün çeşit leyha ve programmlarnıñ amelge keçirilüvi içün teşekkürler bildirdirildi. QMDİ matbuat merkezi [gallery link="file" columns="4" size="medium" ids="13231,13237,13235,13233"]