Haberler
Canköy camisinde merhametlik lâleleri yapıldı
Опубликовано:
Canköy camisinde çalışqan "İslâm temelleri" kursunıñ talebeleri "Merhametlik lâlesi" hayriye aktsiyasında iştirak ettiler. Aktsiya er yıl Qırım Cumhuriyeti ve Sevastopol şeeri musulmanları diniy idaresi tarafından keçirile. Balalar aktsiyanıñ timsali olğan lâlelerni bilezlikler şekilinde yapıp azırladılar. "Balalarnıñ ellerinen ve büyüklerniñ eyi niyetinen" şiarı astında keçirilgen aktsiya fevral-mart aylarında keçirilecek. İstegen er kes aktsiyanıñ timsali olğan lâlelerni yapa bile. Soñra ise, elyapmalar farqlı meydanlarda satılacaq, elde etilgen paralar ise, muhtac balalarğa yetkizilecek. Aktsiyada er kes iştirak ete bile. Qırım MDİ matbuat hızmeti
“Elâl” sertifikatlarını ket-kete daa ziyade iş adamı ala
Опубликовано:
Qırım musulmanları diniy idaresinde (Tavriya Müftiliginde) "Aş-Hane" qavehanesiniñ saibesi, iş adamı Kerimova Niyara Renatovnağa ve "ChoCogo!", "CHOCOPlay", "Pashoogly", "Frutibos", "Galata" ticariy markaları esasında tatlı aşlarnı, şarqiy tatlılıqlarnı, quru yemiş ve meyvalarnı ve cevizlernen beraber baharatlarnı satqan "Vostoçnıy Buket" şirketine elâllıq sertifikatları berildi. "Kiçik Türkiye" fast-fudını işletken Suhin Artyom Valeriyeviç iş adamı elâllıq sertifikatını daa bir yılğa devam ettirdi. Sertifikatlarnı Qırım Müftisi hacı Emirali Ablayev taqdim etti. İhtar: Elâllıq sertifikatını almağa istegen iş adamları QMDİ "Elâl" sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +79780741847, ya da el.adres: halal@qmdi.ru Qırım MDİ matbuat hızmeti
Sofiyevka köyü camisiniñ talebeleri “Merhametlik lâlesi” aktsiyasına qoşuldılar
Опубликовано:
Aqmescit rayonındaki Sofiyevka köyü camisiniñ İslâm temelleri kursunıñ ocaları ve talebeleri "Merhametlik lâlesi" hayriye aktsiyasına qoşuldılar. Aktsiya Qırım Müftiligi ve Qırım musulmanları hayriye vaqfı tarafından teşkil olundı. Balalar ve büyükler hayırlı işke qoşulmaq maqsadınen, öz ellerinen aktsiyanıñ timsali olğan lâlelerni yapalar. Hatırlatamız, bu sene aktsiya bütün Qırım boyunca keçirilecek. Aktsiyada umumtahsil müessiseler, şeer ve rayon memuriyetleri, medeniyet erbapları, imamlar, din cemiyetleriniñ azaları, cemaat erbapları iştirak etecek. Toplanğan paralar ağır hastalıqları olğan balalarnıñ tedaviylenüvine ve Kefede hospisniñ qurucılığına ayırılacaq. Qırım MDİ matbuat hızmeti
Qırımda iş adamları “Elâllıq” sertifikatlarını alalar
Опубликовано:
Qırım Cumhuriyeti ve Sevastopol şeeri musulmanları diniy idaresinde "Myasnoy dom" ("Et evi") markalı et tükânlarınıñ saibi Qaraqursakov Abduraman Rustemoviçke ve "Vivat" çiberekhanesiniñ saibi Modin Yegor Yevgenyeviçke "Elâllıq" sertifikatları taqdim etildi. Buña ilâve olaraq, "Mâsnoy dom" et bazasınıñ ve et tükânları ağınıñ iş adamları Ümerov Asan Ebazeroviç, Osmanov Temur Osmanoviç, Qaraqursakov Rustem Suyunoviç elâllıq sertifikatlarını devam ettirdiler. Sertifikatlarnı Qırım Müftisi hacı Emirali Ablayev taqdim etti ve olarğa işlerinde muvafaqiyetler tiledi. İhtar: Elâllıq sertifikatını almağa istegen iş adamları QMDİ "Elâl" sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +79780741847, ya da el.adres: halal@qmdi.ru Qırım MDİ matbuat hızmeti
2024 sene hacılığı “AVN-tur” ile
Опубликовано:
Qırım Cumhuriyeti ve Sevastopol şeeri musulmanları diniy idaresi (Tavriya Müftiyatı) Qırımnıñ resmiy "AVN-tur" hacılıq turoperatorı ile birlikte 2024 senesi hacılıqqa davet ete. Saudiye Arabistanı akimiyetiniñ qararı ile, 2024 senesi hacılıqqa barmağa istegenler martnıñ birine qadar cedvelde qayd olunmaq ve tölevni yapmaq kerekler! Añlaşmanı imzalamaq içün devlet qaydı (propiska) ile içki pasportnı ve tış pasportnı taqdim etmek kerek. Hacılıqnıñ fiyatı ve qoşma malümat Qırım hacılıq turoperatorınıñ resmiy saytında: https://avntour.ru Yazılmaq içün telefonlar: 8 800 551 3130 +79780908202 +79782026968 +79257158485 Qırım MDİ matbuat hızmeti
Canköyde din vekilleriniñ muşaveresi
Опубликовано:
Canköyde Qırım Cumhuriyeti dinleri vekilleriniñ iştirakinen tögerek masa keçirildi, tedbirni Canköy şeer memuriyetiniñ başlığı İgor İvin keçirdi. Muşavere çerçivesinde şeerde farqlı dinlerge ait diniy obyektlerniñ yerleştirilmesi ve bunıñ içün topraqlarnıñ ayırılması imkânı muzakere etildi. Muşaverede QMDİ MDT mesülietli kâtibi Ayder Acimambetov, Canköy rayonı din cemiyetleriniñ başlığı Aziz Memetov, Canköy rayonınıñ baş imamı Eldar Acibekirov, Qırım Cumhuriyeti Milletlerara munasebetler boyunca devlet komiteti başlığınıñ muavini Ruslan Yaqubov, Canköy ve Aqşeyh bölgeleriniñ yepiskopı Aleksiy, şeer memuriyeti başlığınıñ muavinleri Oksana Morozova ve Dmitriy Fursa iştirak ettiler. Qırım MDİ matbuat hızmeti
Studentler içün diniy maarif suhbetler
Опубликовано:
Qırım Cumhuriyeti ve Sevastopol şeeri Müftisiniñ muavini Raim Ğafarov "Aqmescit avtonaqliye tehnikumınıñ" 1-3 kurs talebeleri içün diniy maarif suhbetler keçirdi. Talebelerge "İslâm terrorizm ve ekstremizmge qarşıdır", "Zemaneviy şaraitte patriotizmniñ emiyeti" ve "Qoranta institutınıñ müimligi" mevzularında lektsiyalar oquldı. Çıqışınıñ soñunda Raim Ğafarov talebelerniñ suallerine cevap berdi ve qayd etti ki, Qırım Cumhuriyeti ve Sevastopol şeeri musulmanları Müftiyatınıñ qapıları istegen er kes içün daima açıqtır. Qırım MDİ matbuat hızmeti
Qırım Müftiyatı Aqmescit şeeriniñ memuriyeti ile işbirlikte Abdal mezarlığını abadanlaştıracaq
Опубликовано:
Qırım Cumuhuriyeti ve Sevastopol şeeri musulmanları diniy idaresiniñ hadimleri Aqmescit şeer memuriyetiniñ binasında iş körüşüvini keçirdiler. Qırım Müftisiniñ muavini Muhammed İslamov ve QMDİ MDT uquqiy bölüginiñ rehberi İbraim Qaymaqan, Aqmescit şeer memuriyetiniñ muavini Vladimir Kim ve milletlerara munasebetler bölüginiñ rehberi İslâm Üseinov ile birlikte, Abdal mezarlığınıñ musulman bölüginde defin etilüviniñ tertibini ve meselelerini muzakere ettiler. "Mezarlıqnıñ musulman qısımı içün mesülietli olıp, işdeşlerimiz ile defin etilüvnen bağlı bir sıra meselelerni muzakere ettik. Buña ilâve olaraq, körüşüvde birlikte çalışmaq ve mezarlıqnı abadanlaştırmaq qararını aldıq", – dep, qayd etti Muhammed İslamov. QMDİ matbuat hızmeti
“Elâl” sertifikatınıñ devam ettirilüvi
Опубликовано:
Qırım Cumhuriyeti ve Sevastopol şeeri musulmanları diniy idaresinde şeriat qanunları boyunca büyük baş ve kiçik baş ayvanlarnı soyıp, etlerini satqan iş adamı Osmanov Bekir Zikiriyayeviçke elâllıq sertifikatınıñ devam ettirilüvi aqqında vesiqa berildi. Sertifikatnı Qırım Müftisi hacı Emirali Ablayev taqdim etti ve iş adamına işinde muvafaqiyetler tiledi. İhtar: Elâllıq sertifikatını almağa istegen iş adamları QMDİ "Elâl" sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +79780741847, ya da el.adres: halal@qmdi.ru Qırım MDİ matbuat hızmeti
Qırım Müftiliginde qadın ocalarnıñ er aylıq toplaşuvı olıp keçti
Опубликовано:
Qırım Cumhuriyeti ve Sevastopol şeeri musulmanları diniy idaresinde Müftilikniñ qadın ocalarınıñ er aylıq toplaşuvı olıp keçti. Toplaşuvnı Qırım musulmanları diniy idaresiniñ tedbirlerni teşkil etüv bölüginiñ rehberi, "Alem-i nisvan" islâmiy qadınlar medeniy-maarif merkeziniñ rehberi Zenife Ablayeva keçirdi. Toplaşuv esnasında iştirakçiler bölgelerde olğan içtimaiy problemalar aqqında esabatlarını berdiler ve 2024 senesi Prezident tarafından Qoranta yılı olaraq ilân etilüvine binayen, devlet programması çerçivesinde çoqbalalı qorantalarğa destek kösterilüviniñ yollarını muzakere ettiler. Bundan da ğayrı, Ramazan ayı yaqınlaşması munasebetinen çeşit alıp barılacaq leyhalarnen beraber "Merhametlik lâlesi" hayriye aktsiyasında em ocalarnıñ, em de talebelerniñ er seviyedeki iştirak etmeleri meselesi muzakere etildi. Toplaşuv çerçivesinde ocalar Büyük Cuma camini ziyaret ettiler. Qırım MDİ matbuat hızmeti
Qırım Müftiligi Konstantinovka köyüniñ “Birlik” yerli din cemiyeti reisiniñ qorantasına taziye bildire
Опубликовано:
Qırım Müftisi hacı Emirali Ablayev ile Qırım Cumhuriyeti ve Sevastopol şeeri musulmanları diniy idaresi Canköy rayonındaki Konstantinovka köyü din cemiyetiniñ reisi Seran Alimovnıñ yaqınlarına teren taziye bildire. "Yüce Rabbimiz epimizni imtianlar ile sınay. Eñ ağır imtianlardan biri – yaqın insannı coymaqtır. Rabbimiz şu sınavdan şerefli şekilde keçmege yardımcı olsun. Acıñızğa emdem olıp, göñülimizde keder duyamız. Allah Taalânıñ merhumnıñ canına rahmet etmesi ve ebediy ayatta onı eñ yüksek derecelernen mukâfatlandırması içün dua etemiz", – dedi Qırım Müftisi. Allah rahmet eylesin! "Epimiz Allah içünmiz ve qaytuvımız Oñadır!" ("Baqara" suresi, 2/156). Qırım MDİ matbuat hızmeti
İlk hayriye lâleleri
Опубликовано:
Qırım Cumhuriyeti ve Sevastopol şeeri musulmanları diniy idaresi tarafından teşkil etilgen "Merhametlik lâlesi" hayriye aktsiyasında Baraq (Sinitsıno) köyü orta mektebiniñ talebeleri iştirak ettiler. Olar aktsiyanıñ timsali olğan lâleni ifade etken güldestelerni, elyapmalarnı ve resimlerni yaptılar. Hatırlatamız, bu sene aktsiya bütün Qırım boyunca keçirilecek. Aktsiyada umumtahsil müessiseler, şeer ve rayon memuriyetleri, medeniyet erbapları, imamlar, din cemiyetleriniñ azaları, cemaat erbapları iştirak etecek. Toplanğan paralar ağır hastalıqları olğan balalarnıñ tedaviylenüvine ve Kefede hospisniñ qurucılığına ayırılacaq. Qırım MDİ matbuat hızmeti