Cenazege bağışlanğan seminar-praktikum | ЦРО ДУМК

Среда

22

мая

14
Зуль-къаде
1445 | 2024
Утр.3:11
Вос.4:56
Обед.12:45
Пол.16:45
Веч.20:23
Ноч.22:08
Времена намазов
Календарь 2024

Намаз

Cenazege bağışlanğan seminar-praktikum

Опубликовано:

Aqmescitteki Seyit Settar camisiniñ külliyesinde “Dinimizde cenaze ile alâqalı merasimler: urf-adetlerniñ manası, qaideler ve hurafeler” mevzusında seminar-praktikum olıp keçti. Tedbirni Qırım Müftiligi teşkil etti.

Qırım Cumhuriyeti ve Sevastopol şeeri Müftisi hacı Emirali Ablayev adından iştirakçilerni QMDİ diniy tedbirlerni teşkil etüv bölüginiñ rehberi Zenife Ablayeva selâmladı.

“Biz seminar-praktikumnıñ mevzusını rastkele saylamadıq. Cenaze merasimi etrafında şekillengen urf-adetimiz boyunca çoq sualler kele. Bugün davet etilgen spikerlernen beraber biz mevzunıñ tek diniy tarafını degil de, ecdatlarımızdan qalğan urf-adetke de tarihiy ekskurs yapacaqmız”, – dedi Zenife Ablayeva.

“Qırımtatarlardaki cenaze merasiminiñ tahlili” mevzusında tarihçı, Fevzi Yaqubov adına QMPU-niñ tarih bölügi ocası Rasim Qadırov çıqış yaptı.

Mevtanı yuvmaq ve kefinlemek qaidelerini QMDİ din ocası Meryem Bekirova nazariyede añlattı ve ameliyatta kösterdi. Mevzusı: “Dinimizde cenaze merasimi: hurafeler ve qaideler”.

Qırım Cumhuriyeti ve Sevastopol şeeri Müftisiniñ muavini Raim Ğafarov “Qırımtatarlardaki cenaze merasiminde Mevlid ve Suv selâsı oquluvınıñ manaları” mevzusında maruzanen çıqışta bulundı.

Seminar-praktikumnıñ videosı Qırım Müftiliginiñ bütün resmiy saifelerinde yayınlanacaq.

 

Qırım MDİ matbuat hızmeti