Cuma cami qurulışına mania yoq! | ЦРО ДУМК

Вторник

16

июля

10
Мухаррем
1446 | 2024
Утр.3:14
Вос.5:02
Обед.12:54
Пол.16:56
Веч.20:36
Ноч.22:24
Времена намазов
Календарь 2024

Намаз

Cuma cami qurulışına mania yoq!

Опубликовано:

"İndustriya razvitiya" ("İnkişaf sanayısı") şirketiniñ rehberleri
Eduard Kutukov ve Enver Emiraciyevnen bağlı vaziyet Qırım Cuma
camisiniñ qurulışınen alâqalı degildir.
Kütleviy matbuat vastalarında Aqmescit şeerinde Qırım Cuma
camisiniñ (Büyük Cuma caminiñ) baş qurucı şirketiniñ rehberleri
tutuqlanğanı aqqında malümat yayıldı. Amma "İndustriya razvitiya"
şirketi "Aqmescit şeerinde Cuma cami külliyesi" obyektinde baş qurucı
şirket degildir. İşbu şirket baş qurucı şirketniñ sımarışlarını yerine
ketirgen bir sıra şirketlerinden biri olaraq, caminiñ qurulıp bitirilmesine
tesir etalmaycaq qadar kiçik kölemde işlerni becere.
Büyük Cuma caminiñ baş qurucı şirketi – "SSK" şirketidir.
"İndustriya razvitiya" şirketiniñ adliyecileri Qırım Müftiligine
taqdim etkenleri malümatqa köre, mezkür şirket etrafında olıp
keçkenler Aluşta şeerinde yerleşken bir obyekt ile alâqalı şahsiy hocalıq
davasınen bağlıdır, bu dava endi eki yıldan ziyade devam ete.
RBK yayınında "İndustriya razvitiya" şirketiniñ rehberleri
aqqında derc etilgen malümatnıñ "Qırım Cumhuriyeti, Aqmescit şeeri,
Yaltinskaya, 22 adresi boyunca qurulayatqan Büyük Cuma cami
külliyesi" qurulış obyektinen asıl da alâqası yoq. RBK tarafından neşir
etilgen malümat – "İndustriya razvitiya" (qurucı) ile "Soyuz-Aluşta"
(qurdurıcı) şirketleriniñ Aluşta şeerindeki bir qurucılıq obyekti (Qırım
rezidentsiyası) boyunca grajdanlıq-hocılıq munasebetiniñ bir
neticesidir. Mezkür hocalıq davası Qırım Cumhuriyetiniñ Arbitraj
mahkemesinde baqılmaqta", – dep, izaatladı "İndustriya razvitiya"
şirketiniñ adliyecisi.
Qayd etmeli ki, "İndustriya razvitiya" şirketi birinci künlerden
başlap, cami qurucılığı boyunca işler alıp bara. Şu müddet devamında
baş qurucı şirketniñ ve Qırım Cumhuriyeti ve Sevastopol şeeri

musulmanları diniy idaresiniñ mezkür şirketniñ yapqan işleriniñ
keyfiyeti ya da vaqıtında becerilmesi meselesinde iç bir narazılıqları
olmadı.

Qırım MDİ matbuat hızmeti