Джанкой районынынъ медениет эвинде Мухаммед Пейгъамбернинъ (с.а.с.) догъгъан кунюне багъышланып, тантаналы медений-маариф тедбири кечирильди.
Байрам концерти черчивесинде окъутувы къырымтатар тилинде алып барылгъан Майское ве Заречное мектеплерининъ талебелери мевлидге багъышлангъан фаркълы концерт номерлерини косьтердилер. Тедбир программасы толу ве ренгяренк олды. Байрамнынъ баш гъаеси – маневий-ахлякъий къыйметлерни сакъламакъ ве инкишаф эттирмектир.
Ишбу тедбир Имам Матуридий адына Къалай ислямий илимлер медреси ве Джанкой районы мусульманлары диний тешкилятлары тарафындан, Къырым Джумхуриетининъ Джанкой районынынъ мемуриети иле Къырым Джумхуриети ве Севастополь шеэри мусульманлары диний идаресининъ дестеги иле кечирильди.
Къырым МДИ матбуат хызмети