Qırım Cumhuriyeti ve Sevastopol şeeri musulmanları diniy idaresinde “Tri tolstâka” (“Üç şişman”) ticariy markasını temsil etken iş adamı Ablâzizov Nariman Reşadoviçke elâllıq sertifikatı berildi. İnsanlarnıñ eyiligi oğrunda muvafaqiyetli çalışmalar tilep, vesiqanı QMDİ MDT “Elâl” sertifikatsiya merkeziniñ rehberi Remzi Qurtdede taqdim etti.
Qayd etmeli ki, iş adamı Nariman Ablâzizov yarı azır aşlarnıñ istihsalını idare ete. Şirket tatar aşı, sarma, dolma, hinkali ve vareniklerni azırlap sata.
İhtar: Elâllıq sertifikatını almağa istegen iş adamları QMDİ “Elâl” sertifikatsiyası merkeziniñ başlığı Remzi Qurtdedege nevbetteki telefon boyunca muracaat ete bile: +7 978 074 18 47, ya da el.adres: halal@qmdi.ru
Qırım MDİ matbuat hızmeti