Eskender MEMETOV: “Yaşlarnı ğarp propagandasınıñ zararlı tesirinden qorumaq yolları aqqında qonuştıq” | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Eskender MEMETOV: “Yaşlarnı ğarp propagandasınıñ zararlı tesirinden qorumaq yolları aqqında qonuştıq”

Опубликовано:

Kezlev bölgesiniñ baş imamı Eskender Memetov Dağıstannıñ “Vatan” radiosına intrevyü berdi. Yayın devamında Rusiye ilimler akademiyasınıñ Şarqşınaslıq institutınıñ hadimi Şamil Kaşaf ve alıpbarıcı Kamila Ramazanovanen birlikte kütleviy matbuat vastalarınıñ gençlerge olğan tesiri ve “Urf-adetniñ saqlanıluvında diniy ve aileviy qıymetler: bugünki zorluqlar ve kelecek içün çezüv yolları” mevzusında keçirilgen üç künlük konferentsiyanıñ neticeleri aqqında suhbetleştiler. “Radioyayın ğayet semereli keçti. Suhbetniñ diñleyiciler içün aktual ve faydalı olğanı belli oldı. Yaşlarnı ğarp propagandasınıñ, şu cümleden LGBT-nıñ zararlı tesirinden qorumaq yolları aqqında qonuştıq”, – dep, fikirinen paylaştı Eskender Memetov.

Hatırlatamız, Qırım Müftisiniñ muavini Esadullah Bairov ve Kezlev bölgesiniñ baş imamı Eskender Memetov Qırım Cumhuriyeti ve Sevastopol şeeri Müftiligi adından Dağıstan Cumhuriyetiniñ Mahaçkala şeerinde keçirilgen “Urf-adetniñ saqlanuvında diniy ve aileviy qıymetler: bugünki zorluqlar ve kelecek içün çezüv yolları” serlevhalı halqara diniy konferentsiyasında iştirak ettiler.

 

Qırım MDİ matbuat hızmeti