Hacı Emirali Ablayev bölge baş imamlarınıñ er aylıq toplaşuvını keçirdi | ЦРО ДУМК

Четверг

28

марта

18
Рамазан
1445 | 2024
Утр.5:02
Вос.6:20
Обед.12:53
Пол.16:20
Веч.19:16
Ноч.20:34
Времена намазов
Календарь 2024

Намаз

Hacı Emirali Ablayev bölge baş imamlarınıñ er aylıq toplaşuvını keçirdi

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayevniñ rehberliginde bölge baş imamlarınıñ er aylıq toplaşuvı olıp keçti. Tedbirde Milletlerara munasebetler boyunca devlet komitetiniñ başlığı Ayder Tippa iştirak etti, o, bölgede olğan problemalar ve olarnıñ çezilüv yolları aqqında tarif etti. Muşavere iştirakçileri cami topraqlarınıñ ve binalarınıñ resmiyleştirilüvi meselesini köterip, muzakere ettiler.

Yarımadanıñ din hadimleri Qırım musulmanlarınıñ diniy yetekçisi hacı Emirali Ablayevni yubileylik doğğan künü ile hayırlap, oña qaviy sağlıq tilediler ve Allah yolunda birlikte yapqanları iş içün teşekkür bildirdiler.

Körüşüv esnasında din hadimleri ağımdaki iş meselelerini muzakere ettiler. Toplaşuvnıñ soñunda imamlar bölgelerde musulmanlar arasında darqatmaq içün Qırım MDİ “Hidayet” gazetasınıñ yañı sanınıñ nushalarını aldılar.

Qırım MDİ matbuat hızmeti