Qırım Cumhuriyeti ve Sevastopol şeeri musulmanları Müftisi hacı Emirali Ablayev Canköy rayonınıñ Yañı Canköy (Novostepnoye), Frayleben (Volnoye), Bay Könçek (Oktâbr), Bey Qazı (Rubinovka) köyleriniñ din erbaplarınen körüşti. Hususan, Qırım musulmanlarınıñ diniy yetekçisi Canköy din cemiyetiniñ yañı azalarınen tanış olıp, olarnı Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatınıñ) faaliyetinen tanış etti.
“Men sizni Müftiligimizde qarşılamaqtan ğayet memnünim. Siz mesülietli yol sayladıñız – Allahqa hızmet yolunı. Biliñiz ki, bu – Qırımda nurunı saçmaq kerek olğanımız aqiqiy, ananeviy İslâmnıñ yoludır”, – dedi hacı emirali Ablayev.
Qırım musulmanlarınıñ diniy yetekçisi ile suhbette din hadimleri olarnı meraqlandırğan suallerine cevaplar ve ağımki meselelerniñ çezilmesi boyunca nasiatlar aldılar. Din hadimleri bölgelerde din cemiyetleriniñ faaliyeti, eali arasında maarif işi boyunca bir sıra meseleler muzakere etip, yaqın zamanda becerelecek işler planını tizdiler.
Qırım MDİ matbuat hızmeti