Hacı Emirali ABLAYEV: “Hac İslâmnıñ büyükligini aks ete” | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Hacı Emirali ABLAYEV: “Hac İslâmnıñ büyükligini aks ete”

Опубликовано:

Qırım Cumhuriyeti ve Sevastopol şeeri Müftisi hacı Emirali Ablayev yaqın künlerde hacılıqqa yol alacaq musulmanlarnen körüşti. Körüşüv Seyit Settar cami külliyesinde, hacılıqqa baracaq musulmanlar içün keçirilgen seminar-lektsiya çerçivesinde olıp keçti. Qırım musulmanlarınıñ diniy yetekçisi toplanğanlarğa hacğa barıp kelmekniñ buña küçü yetecek er bir musulman içün farz olğanını hatırlattı. “Hacılıq İslâmnıñ büyükligini, musulmanlarnıñ birligini ve qardaşlığını aks ete. İslâmda zengin, fuqare farqı yoq, Yüce Rabbimiz qatında epimiz birmiz”, – dep, qayd etti hacı Emirali Ablayev.

Bundan ğayrı, toplanğanlar ögünde Müftilikniñ tışki alâqalar ve hacılıqnı teşkil etüv bölüginiñ rehberi Artur Reşitov, N. A. Semaşko adına Cumhuriyet klinik hastahanesiniñ ekimi Eldar Seydametov çıqışta bulundılar.

Qırım Müftisiniñ muavini Ayder İsmailov “Hac fıqhı – hacda yapılacaq ibadetleriniñ eda etilüvi” mevzusında maruza ile çıqışta bulundı. Hacılıqnıñ maneviy ceetten degeri aqqındaki maruzanı Qırım Müftisiniñ muavini Raim Ğafarov añlattı.

Qırım MDİ matbuat hızmeti