Hacı Emirali Ablayev imamlarnıñ er aylıq toplaşuvını keçirdi | ЦРО ДУМК

Вторник

16

июля

10
Мухаррем
1446 | 2024
Утр.3:14
Вос.5:02
Обед.12:54
Пол.16:56
Веч.20:36
Ноч.22:24
Времена намазов
Календарь 2024

Намаз

Hacı Emirali Ablayev imamlarnıñ er aylıq toplaşuvını keçirdi

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayev yolbaşçılığında bölge baş imamlarınıñ toplaşuvı olıp keçti. Qırım musulmanlarınıñ diniy yetekçisi Yüce Allahqa hızmet, vatanperverlik ve öz halqına sevgi aqqında tarif etti. O, qayd etti ki, er kün bütün Qırım boyunca camilerde toplu iftarlar ve teravih namazları keçirile.

“Toplu iftarlar – mubarek Ramazan ayınıñ ayırılmaz qısımıdır. Bu musulmanlar birleşken vaqıttır”, – dep, urğuladı hacı Emirali Ablayev.

Bundan da ğayrı, Qırım Müftisi Ramazan ayınıñ 27 gecesine tüşken, yani aprel 17-den 18-ge keçer gecesi qayd etilecek Qadir gecesine ve aprel 21-23 künleri qayd etilecek Oraza bayramına azırlıq etilmesine diqqat çekti.

Körüşüv sırasında diniy hadimler iş meselelerini muzakere ettiler ve kelecek ayğa planlarını belgilediler.

Toplaşuvnıñ soñunda imamlar bölgelerde musulmanlar arasında darqatmaq içün Qırım MDİ “Hidayet” gazetasını aldılar.

 

Qırım MDİ matbuat hızmeti