Hacı Emirali Ablayev: “Sağlıq – Allahtan bir nimettir ve siz onı saqlamağa yardım etesiñiz” | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Hacı Emirali Ablayev: “Sağlıq – Allahtan bir nimettir ve siz onı saqlamağa yardım etesiñiz”

Опубликовано:

Qırım Cumhuriyeti ve Sevastopol şeeri Müftisi hacı Emirali Ablayev avgust 13 künü qayd etilecek Beden terbiyecisi künü arefesinde Qırım futbol klublarınıñ rehberleri ile körüşti.

“Siz yaş nesilniñ eyiligi oğrunda çalışasıñız., çünki sport – sağlıq demektir. İslâmğa köre, sağlıq – Allahtan bir nimettir, er bir insan onı saqlamaq kerek. Siz ise, tecribeli sportçular, futbol klublarınıñ rehberleri olaraq, insanlarğa bu saada yardım etesiñiz”, – dep, qayd etti hacı Emirali Ablayev.

Körüşüv devamında Qırım musulmanlarınıñ diniy yetekçisi fizikiy medeniyet ve sportnıñ inkişafına, effektiv rehberlik ve yaş nesilniñ sport terbiyesi saasında usuliyet işi ve koordinatsiya boyunca faaliyetine qoqan isseleri içün Qırım Cumhuriyetiniñ Sportiv küreşi federatsiyasınıñ vitse-prezidenti, klassik küreş boyunca olimpik çempionı, Sovet Sotsialistik Cumhuriyetler İttifaqında nam qazanğan sport ustası, SSCİ-da nam qazanğan idmancı Rustem Qazaqovğa; Qırım futbol birliginiñ prezidenti, Qırım Cumhuriyeti futbol birleşmesiniñ rehberi Sergey Borodkinge; “Qızıltaş” futbol taqımımnıñ prezidenti Albert Qurşutovğa; “Skif” futbol klubunıñ baş müdiri Aleksandr Botsanğa teşekkürnameler taqdim etti. Bundan da ğayrı, hacı Emirali Ablayev “TSK-Tavriya” futbol klubunıñ müdiri Aleksandr Gaydaşnı yubileylik doğğan künü ile hayırladı.

Qırım MDİ matbuat hızmeti