Qırım Cumhuriyeti ve Sevastopol şeeri musulmanları diniy idaresinde “HAYAT” ticariy markası astında tabiiy mahsulatlarını istihsal etip satqan iş adamı Ekrem Mamedovğa elâllıq sertifikatınıñ devam ettirilmesi aqqında şeadetname taqdim etildi. Hatırlatamız, ilk sefer “HAYAT” ticariy markası elâllıq sertifikatını bir yıl evelsi aldı.
“HAYAT” ticariy markasınıñ mahsulatlarına Ömega 3, Ömega 3 kids, D3 vitaminleriniñ qoşuluvı ile qara zere yağı, D3 vitaminler gruppası ile qıst-ı hindiy yağı kire.
Tabiiy yağlar Qırımda öz hammaddelerinden istihsal etile. “HAYAT” mahsulatları Qırımda ve Rusiyede satıla.
Elâllıq sertifikatını almağa istegen iş adamları QMDİ “Elâl” sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +79780741847, el. adresi halal@qmdi.ru.
Qırım MDİ matbuat hızmeti