Qırım Cumhuriyeti ve Sevastopol şeeri musulmanları diniy idaresiniñ “Faydalı ilim” leyhası “İlâhiyatçınen suhbet”-ni başlay. Er cuma künü “Faydalı ilim”-niñ Instagram saifesinde din ocası Leylâ Seitmemetova ilâhiyatçılarnen farqlı mevzularda suhbetlerni alıp baracaq. Efir saat 20:00 başlana.
İstegenler “İlâhiyatçınen suhbet”-ke qoşulıp, efir sırasında sözü keçken mevzuda suallerini bere bileler. “İlâhiyatçınen suhbet”-te em qadınlar, em er kişiler iştirak ete bileler.
Er cuma künü saat 20:00 “Faydalı ilim” leyhasınıñ Instagram saifesinde “İlâhiyatçınen suhbet”-ke davet etemiz.
Qırım MDİ matbuat hızmeti