Къырым Джумхуриети ве Севастополь шеэри мусульманлары диний идаресинде (Таврия Муфтиятында) Къырым Муфтиси хаджы Эмирали Аблаевнинъ рехберлигинде имамларнынъ эр айлыкъ топлашувы олып кечти.
Топлашувнынъ башында Къырым Муфтисининъ муавини Раим Гъафаров Мухаммед Пейгъамбернинъ (с.а.с.) энъ якъын сахабелеринден бири Хазрет-и Умерге (р.а.) багъышлангъан дерс кечирди. Сонъра дин эрбаплары больгелеринде япкъан ишлери ичюн эсабат бердилер.
Мерасимнинъ сонъунда Муфти эфенди Судагъ больгесининъ баш имамы Мустафа Мустафаевге ве Акъмесджит шеэрининъ баш имамы Мухаммед Исламовгъа Ислямнынъ инкишафына къошкъан исселери ве маариф фаалиетлери ичюн тешеккюрнамелер такъдим этти.
Къырым МДИ матбуат хызмети