Имам Матуридий адына Къалай ислямий илимлер медресесининъ къызлар болюги Кезлев шеэрини зиярет этти.
Меракълы чокътарафлы программа талебелер ичюн къыйметли бир теджрибе олып, оларнынъ Къырымнынъ чокъ миллетли тарихы, фаркълы медениетлерге урьмет ве анълайыш саасындаки уфукъларыны кенълештирди.
Талебелер Кезлевдеки Джума джамини зиярет этип, Ислямнынъ мимариси ве аньанесинен таныш олмагъа, къырымтатар медениети ве тарихынен алякъадар оларакъ даа чокъ шейлер огренмеге имкян таптылар.
Азиз Илья килисесине зиярет христиан бир мабеднинъ ихтишамыны корьмеге ве православ хритстианлыгъынынъ хусусиетлерини анъламагъа чаре берди.
Дервишлер текиесинде кечирильген тематик экскурсия ве саналаштырылгъан бир нумайыш мусафирлерни Мевлевие тарикъатынынынъ зикр чекме муитине, тасаввуф саасына гъаркъ эттирди.
Кезлевде кечирильген бир кунь балаларда Къырым халкъларына нисбетен урьмет дуйгъусыны кенишлетти, олар бизим буюк девлетимизнинъ озь фаркълылыгъынен дюльбер олгъаныны анъладылар. Бойле экскурсиялы зиярет кезмелери медреседе даимий шекильде кечириле ве тахсиль программасынынъ бир къысымыны тешкиль эте.
Къырым МДИ матбуат хызмети