Къырым Джумхуриети ве Севастополь шеэри мусульманлары диний идаресинде (Таврия Муфтиятында) 2026 сенесинде биринджи эр айлыкъ имамлар топлашувы олып кечти. Топлашувны Къырым Джумхуриети ве Севастополь шеэри Муфтиси хаджы Эмирали Аблаев кечирди.
Дин хадимлери илеридеки айда япаджакъ ишлерини планлаштырдылар. Бундан гъайры, олар больгелерде мусульманлар арасында даркъатмакъ ичюн намаз вакъытлары иле такъвимлерни алдылар.
Муфтилигимизнинъ диний тедбирлерни тешкиль этюв болюгининъ рехбери Зенифе Аблаеванынъ рехберлигинде диний идаремизнинъ къадын оджалары иле топлашув кечирильди. Топлашув черчивесинде кечириледжек маариф лейхалары музакере этильди.
Къырым МДИ матбуат хызмети