Къырым Джумхуриети ве Севастополь шеэри Муфтиси хаджы Эмирали Аблаевнинъ тешеббюси иле Къырым мусульманлары диний идареси махсус арбий операция боюнджа вазифелерини беджерген арбийлерге эр тарафлама дестек косьтермеге девам эте.
Ярдымнынъ невбеттеки партиясы «Команда возможностей» («Имкянлар такъымы») тешкилятына, джебеге алып бармасы ичюн теслим этильди. Ярдымнынъ теркибине кирди:
– джебеде болюклерни электроэнергиянен темин этмек ичюн 9 кВт такъатында генератор;
– кучьлю фенерлер;
– багъ тутмакъ ве электрик алетлерини толдурмакъ ичюн пауэрбанклар ве рациялар.
– эт консервалары ве дигер узун вакъыт сакъланылгъан ашайт мадделери.
Къырым мусульманлары диний идаресинде къайд эттилер ки, бойле ярдым партиялары даимий шекильде ёлланыла. Эр бир ярдым партиясы – умумий гъалебе ичюн бир иссе ве бугунь джебеде булунгъанларгъа бир дестектир.
Къырым МДИ матбуат хызмети