Къурман районынынъ мемуриетинде кечирильген корюшюв эснасында Къурман районынынъ баш имамы Сулейман Самединов «Ватан къоруйыджылары» девлет фондунынъ район болюгининъ башлыгъынен берабер махсус арбий операция иштиракчилерининъ балаларына мектеп эшъяларыны такъдим этти.
Тедбир янъы окъув йылнынъ башланувына расткетерильди. Районнынъ яш сакинлери мектеп ичюн керек олгъан эшьяларны алдылар. Тешкилятчыларнынъ бильдиргенине коре, арбийлернинъ къоранталарына дестек косьтермек – эсас иш ёнелишлерден биридир, бойле корюшювлер балаларнынъ дикъкъатны ве къайгъырувны ис этмелерине ярдым эте.
Бундан да гъайры, Къырым мусульманлары диний идареси тарафындан Джанкой шеэринде ве районында яшагъан балалар ичюн ичинде мектеплик такъымлар олгъан чанталар азырланылды. Джанкой районынынъ мусульман дин джемиетлерининъ реиси Азиз Меметов балаларны окъув йылынынъ башланувы иле хайырлады, оларгъа эдиелерини такъдим этти ве окъувда мувафакъиетлер тиледи.
Къырым МДИ матбуат хызмети