Къырым Джумхуриети ве Севастополь шеэри мусульманлары диний идаресининъ (Таврия Муфтиятынынъ) хадимлери Муфти хаджы Эмирали Аблаевни догъгъан куню иле хайырлайлар.
«Урьметли хаджы Эмирали Аблаев!
Бугунь биз тек сизинъ шахсий байрамынъызны дегиль де, бутюн мусульманлар ве къырымтатар халкъынынъ байрамыны къайд этемиз. Сиз бизни маневият, бирлик ве муаббетлик ёлундан алып баргъан акъикъий етекчимизсинъиз! Сизинъ икметинъиз ве сабырынъыз уюмгъа ве къаршылыкълы анълайышкъа тырышкъан эр кес ичюн орьнектир.
Сиз бизим рехберимиз олгъанынъыз ичюн биз гъурур дуямыз. Къырымда миллетлерара барышыкълыкъны сакъламакъ ичюн косьтерген гъайретинъиз бизге ильхам бере ве айдын келеджегимизге умютлер догъура. Сизинъ миллетке хызметинъиз ве миллий урф-адетимизни сакъламакъ ичюн косьтерген гъайретинъиз эпимиз ичюн нумюнедир.
Догъгъан кунюнъизде сизге къавий сагълыкъ, эйи аллар ве къыйметли ишинъизде мувафакъиетлер тилеймиз. Аллах сизге эр даим къуветли ве икметли олмакъны насип этсин. Барышыкълыкъ ве муаббетликке умумий ёлумыз иман ве севги иле толу олсун.
Япкъан ве огреткен эйи ишлеринъиз ве арекетлеринъиз ичюн Аллах сизден разы олсун!
Биз даима сизнен берабермиз! Сиз бизим етекчимизсинъиз, биз де – сизинъ садыкъ такъымымыз, биз бир ёлда кетемиз!»
Къырым МДИ матбуат хызмети