Къырым мусульманлары диний идаресинде бу сене мектеп ралелерине ильк кере отураджакъ талебелерге чанталар ве мектеп эшьялары такъдим этильди. Тедбир бутюнкъырым «Мерхаметлик лялеси» хайрие акциясы ве «Чанта» лейхасы черчивесинде кечирильди.
Акция черчивесинде Къырым Муфтиси хаджы Эмирали Аблаев «Защитники Отечества» («Ватан къоруйыджылары») девлет фондунынъ Къырымдаки филиалынынъ рехбери Владимир Трегубнен, «Команда возможностей» («Имкянлар такъымы») тешкилятынынъ тесисчиси Евгений Пичугиннен ве Русие Федерациясы силяхлы къуветлерининъ мотоатешчи батальльонынынъ командири Илья Подороганен корюшти. Корюшювде топлангъанлар МАО иштиракчилерине ве оларнынъ балаларына дестек косьтермекнинъ муимлигини музакере эттилер ве къоранталарына ярдым этмек мевзусында берабер атыладжакъ адымларны къонуштылар.
Ярдымны биринджи сыныфкъа бараджакъ МАО иштиракчилерининъ балалары, чокъбалалы ве фукъаре къоранталарнынъ балалары, хусусий аллары олгъан балалар алдылар. Умумен, мектеп ичюн керек олгъан бутюн эшьяларнен толу чанталарны Къырымнынъ чешит больгелеринде яшагъан 150 бала аладжакъ.
Акция «Мерхаметлик лялеси» хайрие тешеббюси черчивесинде кечирилип, балаларны мектепке азырламакъ ичюн дестекте мухтадж олгъан къоранталаргъа ярдым этмек ичюн муим адым олды.
Къырым МДИ матбуат хызмети