Къырым Джумхуриети ве Севастополь шеэри Муфтиси хаджы Эмирали Аблаев Къырым мусульманлары диний идаресининъ Акъмечит (Черноморское) районындаки темсильджилеринен топлашув кечирди. Корюшювде район джемиетнинъ диний инкишафы, аньаневий къыйметлернинъ пекитильмеси ве халкънынъ диний бильги севиесини котермек боюнджа актуаль меселелер музакере этильди.
Муфти эфенди яш несильни тербиелев ве оларгъа миллий ве диний аньанелерине урьмет ашылав ишинде имамларнынъ берабердже фааилет этмелерининъ муимлигини къайд этти. О, тедбир иштиракчилерини Ислям динини ве медениетини яймагъа ёнелик тахсиль тедбирлеринде ве тешеббюслерде фааль шекильде иштирак этмеге чагъырды.
Бунъа иляве оларакъ, тарафлар илеридеки планларыны, шу джумледен, умумий мерасимлерни тешкиль этмекни музакере эттилер.
Къырым МДИ матбуат хызмети