Къырым Муфтиси ве Къырым Джумхуриети ве Севастополь шеэри мусульманлары диний идареси курорт олгъан Форос къасабасында Украина дронынынъ дарбеси нетиджесинде эляк олгъанларнынъ сойларына ве якъынларына тазие бильдирелер.
«Бу фаджиа эр биримизнинъ юрегине токъунды. Аятны гъайып эткен эр кес ичюн кедерленемиз, якъынларына да бу къыйын заманларда дестегимизни бильдиремиз», – деди хаджы Эмирали Аблаев.
Тасдикъ этильген бильгилерге коре, Къырымда, Форос больгесинде, дронлар дарбеси нетиджесинде учь инсан эляк олды, 16 киши зарарланды.
Къырым МДИ матбуат хызмети