Къырым Муфтисининъ Джезаларны иджра этюв федераль хызмети идареси (УФСИН) иле ишбирлик боюнджа муавини Мухаммед Исламов ве шу идаре башлыгъынынъ инангъанлар иле чалышув боюнджа ярдымджысы, протоиерей Роман Цуркан Акъмесджит шеэрининъ №1 тюзетюв колониясында динлерара иш группасынынъ корюшювини кечирдилер.
Зиярет Мухаммед Пейгъамбер (с.а.с.) догъгъаны Ребиу’ль-эвель айына эсасен кечирильди. Мухаммед Исламов махкюмлерге шу вакъытнынъ мусульманлар ичюн эмиетини анълатты.
Бундан да гъайры, о, аписханедеки джамиде олгъан диний китапларны козьден кечирди. Бунъа иляве оларакъ, Мухаммед Исламов Къырым Муфтисининъ тилеклерини еткизип, махкюмлерни тёвбеге ве маневий янъарувгъа чагъырды.
Къырым МДИ матбуат хызмети