Къырым Муфтисининъ муавини Раим Гъафаров Эски Къырым шеэр мемуриетининъ башлыгъы Григорий Балабановнен корюшти.
Корюшюв эснасында тарафлар шеэрнинъ ичтимаий аятыны, мусульман джемиетинен чалышув ве илеридеки ишбирликнинъ перспективаларыны музакере эттилер. Айры дикъкъат къаршылыкълы анълайышнынъ къурулмасы ве конструктив ишбирликнинъ инкишафы меселесине айырылды. Корюшюв иштиракчилери джемиетнинъ ичтимаий ве маневий аяты акъкъында фикирлерини бильдирдилер, эм де илеридеки ишбирлик боюнджа эсас ёнелишлерни бельгиледилер.
Раим Гъафаров ачыкъ диалогнынъ ве къаршылыкълы урьметнинъ муимлигине ургъу япып, къайд этти ки, айны бойле принциплер ерли акимиет органлары ве дин джемиетлер арасында гузель мунасебетлер къурулмасынынъ темелидир.
Къырым МДИ матбуат хызмети