Къырым Джумхуриетининъ Джемаат палатасында комиссияларнынъ фааль чалышувы деври олып кечти. Кечирильген топлашувларда палатанынъ азалары янъы тешеббюслерни музакере эттилер, келеджек ярым йылгъа иш планларыны тасдыкъ эттилер ве фаалиетлерининъ эсас ёнелишлери боюнджа кятиплерни сайладылар.
Тахсиль, илим ве маариф фаалиети боюнджа комиссиянынъ кятиби оларакъ Къырым Муфтисининъ муавини Раим Гъафаров сайланды.
Эмек мунасебетлери, ватандашлыкъ джемиетининъ муэссиселери иле ишбирлик, гонъюллилер, МАО иштиракчилерине ве оларнынъ къоранта азаларына дестек боюнджа комиссиянынъ кятиби оларакъ Наталья Резниченко тасдыкъ этильди. Курортларнынъ ве туризмнинъ инкишаф эттирильмеси, экология боюнджа комиссиягъа, кятиби оларакъ, Александр Карданов ёлбашчылыкъ этеджек.
Янъы тайинлер палатанынъ ишини эсас оларакъ бельгиленген ёнелишлер боюнджа тертипке кетирмек имкяныны береджек, тасдыкълангъан планлар исе, илеридеки девирде акимиет органлары иле джемаат тешкилятларынен ишбирлик векторыны бельгилейджек.
Къырым МДИ матбуат хызмети