Къырым Джумхуриетининъ девлет академик музыкалы театрында «Маниалар ёкъ – 2025» джемаат такъдири мукяфатынынъ XII тантаналы такъдирлев мерасими олып кечти.
Къырым Джумхуриетининъ башлыгъы Сергей Аксёновнынъ патронатында кечирильген акция 2014 сенесинден башлап, сагълыкъ имкянлары сынъырлы олгъан балаларны ве генчлерни, оларнынъ къоранталарыны ве оджаларыны бирлештире. Лейха кечирильген вакъыт ичинде ярышта 1 900 киши иштирак этти, 350-ден зиядеси лауреат унваныны алды. Бу сене исе, шу джедвельге 37 янъы иштиракчи къошулды.
Мерасим – эр бир бала дестек дуйгъаны, джемиет исе, озь инсаниетлигини косьтергени бир алан олды. Мукяфатнынъ иштиракчилери озь мисаллеринде иджатнынъ, истидатнынъ, себатнынъ ве гъайретнинъ кучюни нумайыш этелер.
Адет узьре, тантаналы тедбирни урьметли мусафирлер – Къырым Джумхуриетининъ Башлыгъы Сергей Аксёнов ве Къырым Джумхуриети Девлет Шурасынынъ Реиси Владимир Константинов зиярет эттилер. Къырым Джумхуриети ве Севастополь шеэри мусульманлары диний идаресини Муфтилигимизнинъ диний тедбирлерни тешкиль этюв болюгининъ рехбери Зенифе Аблаева темсиль этти.
Ярышнынъ финалы чокъусы иштиракчилер ичюн финиш дегиль де, янъы гъалебелер ве джесюр хаяллар ичюн биринджи адым олды.
Къырым МДИ матбуат хызмети