Къырым Джумхуриети ве Севастополь шеэри мусульманлары диний идареси Махсус арбий операцияда иштирак эткен арбий мусульманларгъа гуманитар ярдымнынъ невбеттеки партиясыны ёллады.
Юк «Имкянлар такъымы» гонъюллилери вастасынен догърудан ярдым истеген арбийлерге ёлланылды. Ёлланмаларгъа джебе шараитинде мусульманларнынъ кошелерини донатмакъ ичюн керекли олгъан эр шей бар, – намазлыкълар, такъиелер ве китаплар. Бундан да гъайры, арбийлерге хурма, элял тушёнка ве къалын ёргъанлар такъдим этиледжек.
Ишбу ярдым арбийлернинъ ибадетлерини къолайлаштырмакъ ве оларны керекли олгъан эр бир шейнен теминлемек ичюн ёлланылды.
Къырым МДИ матбуат хызмети