“Mayıs 18 – bütün qırımtatar halqı içün matem künüdir” | ЦРО ДУМК

Четверг

28

марта

18
Рамазан
1445 | 2024
Утр.5:02
Вос.6:20
Обед.12:53
Пол.16:20
Веч.19:16
Ноч.20:34
Времена намазов
Календарь 2024

Намаз

“Mayıs 18 – bütün qırımtatar halqı içün matem künüdir”

Опубликовано:

1944 senesi, mayıs 18-de qırımtatar halqınıñ sürgün etilmesi yıldönümi munasebetinen Qırım Cumhuriyeti ve Sevastopol şeeri Müftisi hacı Emirali Ablayevniñ muracaatı.

“18 mayıs – bütün qırımtatar halqı içün añılacaq matem künüdir. Bu künde biz tuvğan toprağından quvulğan ecdatlarımıznıñ facialı taqdirini hatırlaymız ve bu tınmağan acını ep beraber yüregimizden keçiremiz. 79 yıl evelsi sivil insanlarğa qarşı yapılğan bu sürgünlikni biz iç bir vaqıt unutmamız.

Aman-aman yarım asır devamında halqımız yat ellerde yaşadı. Amma taqdirindeki eñ qıyın ve acı devirini şerefli şekilde başından keçirip, öz Ana-vatanına qaytıp keldi. Ecdatlarımızdan aşılanıp kelgen irade küçü, işkirlik, birlik, çıdamlıq, tuvğan topraqqa soñsuz sadıqlıq üstün keldi.

Bugün biz, er yıl olğanı kibi, iç bir qanunğa uymağan zulum neticesinde zararlanğan er bir mazlumnı añamız, iç bir qabaatları olmadan, canlarından olğanlar içün dua etemiz, Yüce Rabbimizge bütün halqlarnı böyle belâlardan saqlaması içün niyaz etemiz.

Biz, qırımtatarlar, tilimizni, dinimizni, medeniyetimizni, urf-adetimizni ve, eñ esası, – Vatanımızğa sevgimizni saqlap qaldıq.

Yaş nesilni tuvğan toprağımıznı sevmege ve onıñ inkişaf etmesi ve abadanlaşması içün areket etmege çağıramız. Bugün bunıñ içün kerekli er bir şarait bar.

Qırımtatar halqı, Qırımğa qaytqan soñ, daa çoq yıllar adaletniñ yerine kelmesi ve reabilitatsiya içün küreşti. Çoqu, öz vatanında yaşamasına baqmadan, bunıñ kerçekleşmesini öyle de köremedi. Aman-aman otuz yıldan soñ, 2014 senesiniñ aprel ayında Rusiye Federatsiyasınıñ Prezidenti Vladimir Putin “Ermeni, bulğar, yunan, italyan, qırımtatar ve alman halqlarınıñ reabilitatsiyası ve olarnıñ tiklenüvi ve inkişaf etmesine devlet tarafından destegi meselesinde alınacaq tedbirler aqqında” fermanını imzaladı.

Şu ferman sayesinde halqımıznıñ üstünden temelsiz qabaatlavlar alındı ve tarihiy adalet yerine keldi!

Biz Qırım toprağında er daim milletlerara ve dinlerara barışıqlıq, muabbetlik üküm sürmesi içün Allah Taalâğa dua etemiz.

Bugün, qırımtatar halqınıñ zorbalıqnen sürgün etilüvi künü, Aqmescitniñ merkeziy camisi – Kebir Camide ve Qırımnıñ bütün camilerinde sürgünlik qurbanlarını añmaq içün dualar keçirilecek”.

 

Qırım MDİ matbuat hızmeti