Имам Матуридий адына Къалай ислямий илимлер медресесинде Къырым Муфтисининъ муавини Мухаммед Исламов медресе талебелери ичюн ачыкъ дерс кечирди.
Дерс черчивесинде Мухаммед Исламов пишкинлик чагъына етмеген балаларнынъ алкоголь ве сигар ичмелерининъ, афьон къулланмаларынынъ техликелери ве менфий нетиджелери акъкъында тариф этти. Муфти муавини осьмюрлернинъ доландырыджы малие схемаларына чекильмелери ве афьонны даркъатув схемалары, 14 яшына кирмекнен мемурий ве джинаий месулиетнинъ башлагъаны акъкъында тариф этти.
Бойле ачыкъ дерс шекилинде кечирильген корюшювлер Къалай медресесинде даимий шекильде кечириле ве осьмюрлер ичюн де чокъ меракълыдыр.
Къырым МДИ матбуат хызмети