Minnetdarlıq ile | ЦРО ДУМК

Четверг

28

марта

18
Рамазан
1445 | 2024
Утр.5:02
Вос.6:20
Обед.12:53
Пол.16:20
Веч.19:16
Ноч.20:34
Времена намазов
Календарь 2024

Намаз

Minnetdarlıq ile

Опубликовано:

Qırım Cumhuriyeti ve Sevatopol şeeri Müftisi hacı Emirali Ablayev Aqmescit şeeriniñ Beloye-5 qasabasında Qurban bayramınıñ qayd etilüvine qol tutqan hayriyeseverlernen körüşti. Körüşüv devamında Qırım musulmanlarınıñ diniy yetekçisi semetdeşlerimizge cemaat işlerine faal qoşulıp, yardım etkenleri içün teşekkür bildirdi. “Biz Qırımğa endi kelgende, babam biz Qırımğa güller saçmaq, olarnıñ güzel qoqusını alıp, eyi işler yapmaq içün keldik degen edi.”, – dedi hacı Emirali Ablayev.

Beloye-5 qasabasında Qurban bayramınıñ qayd etilüvine hayriye yardımları ile destek kösterüvleri ve Qırım cemaatınıñ ayatında faal iştirak etkenleri içün Qırım Müftisi Beloye-5 yerli cemaatçılıqnıñ özüni idare etüv idaresiniñ rehberi Zair Smailovğa, “Ramazan” din cemiyetiniñ reisi Asan Qurteyevge, Qırım Cumhuriyeti Başlığınıñ mesleatçısı Ervin Musayevge, iş adamları Ali Reşitovğa, Bilâl Reşitovğa, İzet Memetovğa, Emil Abdurahmanovğa, Server Mevlüdovğa, Eldar İlyasovğa, Edem Calilovğa, Elnara Ğaniyevağa, Eldar Âyaçıqqa, Artur Reşitovğa, “Krımopt” şirketiniñ müdiri Ali Bariyevge, “Arslan” şirketiniñ yolbaşçısı Nusret Abdurahmanovğa teşekkürnameler taqdim etti. Qasabanıñ yaşayışında faal iştirak etkenleri içün yerli sakinler de taqdirlendi.

Qırım MDİ matbuat hızmeti