Къырым Джумхуриети ве Севастополь шеэри мусульманлары диний идаресини Татарстан Джумхуриети Баш назирининъ муавини, Бутюндюнья татарлар конгресси Миллий Шурасынынъ реиси Василь Шайхразиев зиярет этти.
Къырым Джумхуриети ве Севастополь шеэри Муфтиси хаджы Эмирали Аблаев онъа зиярети ве къырым мусульманларына нисбетен гузель мунасебети ичюн тешеккюрини бильдирди.
Достане корюшювде эм де «Оренбург татар миллий-медений автономиясы» больге джемаат тешкилятынынъ реиси Ильдус Давлятов, «Дуслыкъ» Самара больге иджадий джемаат тешкилятынынъ реиси, Бутюндюнья татарлар конгресси Миллий Шурасынынъ азасы Фахрутдин Канюкаев, Бутюндюнья татарлар конгресси Иджра комитети рехберининъ муавини Фархад Латыпов ве Къырым Джумхуриети иле Севастополь шеэринде Татарстан Джумхуриетининъ даимий темсильджиси Руслан Шаяхметов иштирак эттилер.
Зиярет черчивесинде тарафлар Муфтиликнинъ ве Конгресснинъ фаалиетинен алякъалы меселелерни музакере эттилер, ишбирлик ве омюрге кечирильген лейхалар акъкъында лаф эттилер. Тедбирнинъ сонъунда Буюк Джума джамини зиярет эттилер.
Къырым МДИ матбуат хызмети