Muhammed İslamov UFSİN rehberligi ile körüşti | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Muhammed İslamov UFSİN rehberligi ile körüşti

Опубликовано:

Qırım Müftisiniñ Qırım Cumhuriyeti ve Sevastopol şeeri boyunca Cezalarnıñ icra etilüvi federal hızmeti idaresi (UFSİN) ile işbirlik boyunca muavini, Aqmescit şeeriniñ baş imamı Muhammed İslamov, UFSİN başlığınıñ birinci muavini, içki hızmetniñ polkovnigi Sergey Suvorov ve UFSİN başlığınıñ diniy meseleler boyunca yardımcısı Roman Tsurkan ile körüşti. Körüşüv esnasında UFSİN-niñ nezareti astında çalışqan müessiselerde ortodoks hristianlarnıñ Pasha bayramı ve musulmanlarnıñ Oraza bayramınıñ qayd etilüviniñ neticeleri çıqarıldı.

 

“Biz UFSİN rehberligine destekleri içün teşekkür bildirdik ve işbirlikni eyileştirmek içün yapılacaq adımlar aqqında öz isteklerimizni bildirdik”, – qayd etti Muhammed İslamov.

 

Bundan da ğayrı, körüşüv devamında dinlerara iş taqımınıñ oturışı olıp keçti.

 

 

 

Qırım MDİ matbuat hızmeti