Qırım Başlığı Sergey Aksyonovdan Qırım musulmanları içün ananeviy iftar | ЦРО ДУМК

Четверг

25

апреля

16
Шевваль
1445 | 2024
Утр.4:02
Вос.5:30
Обед.12:46
Пол.16:34
Веч.19:51
Ноч.21:20
Времена намазов
Календарь 2024

Намаз

Qırım Başlığı Sergey Aksyonovdan Qırım musulmanları içün ananeviy iftar

Опубликовано:

Aqmescitte yarımadamıznıñ musulmanları içün Qırım Cumhuriyetiniñ Başlığı Sergey Aksyonov tarafından teşkil etilgen toplu iftar keçirildi.

Qırım Cumhuriyeti ve Sevastopol şeeri Müftisi hacı Emirali Ablayev qayd etti ki, Qırım Başlığınıñ iftarı artıq ananeviy oldı ve Sergey Aksyonovğa Qırım musulmanları içün teşkil etilgen iftar içün teşekkür bildirdi.

Aqşamnıñ başında musafirler Moskva civarındaki “Krokus Siti Holl”-da olıp keçken dehşetli teraktnıñ qurbanlarını sükünet daqiqasınen añdılar.

Hacı Emirali Ablayev musafirlerni mubarek Ramazan ayınen hayırladı, diniy hadimlerge bölgelerinde yapqan semereli ve qıyın işleri içün minnetdarlığını bildirip, olarğa teşekkür etti.

“Qırım Cumhuriyeti Başlığınıñ iftarı artıq güzel bir ananege çevirildi. Bu bizim içün büyük quvançtır. Epimiz şaat olamız ki, soñki 10 yıl içinde Qırımda milletlerara ve dinlerara barışıqlıq yüksek seviyege kelip yetti. Qırım halqları arasında qurğanımız şu dostluq ve işanç köpürini iç bir kimsege bozmağa bermeycekmiz. Biz kelecekte de bu yönde çalışıp, vatanımızda tamır atqan birligimizni ve barışıqlıqnı saqlamaq içün tırışacaqmız”, – dep, qayd etti Qırım Müftisi.

Sergey Aksyonov Qırım musulmanlarını Ramazan ayınen hayırladı ve er keske vatandaşlıq faalligi ve cemaatçılıq mevamı içün teşekkür bildirdi, qayd etti ki, Qırım musulmanlarına er vaqıt işanmaq ve olardan er bir meselede destek tapmaq mümkün.

“Şu on yılda biz eñ müim şeylerni saqlap qaldıq – milletlerara barışıqlıq, muabbetlik ve bir-birimizge ürmet. Sizge vatandaşlıq mevamıñız, Qırım musulmanlarınıñ mahsus arbiy arekâtında faal iştiraki, Rusiye Prezidentine destegiñiz içün teşekkür bildirem. Bizim birligimiz – küçümizdir, muvafaqiyetniñ temelidir”, – dedi Sergey Aksyonov.

Toplu iftarğa din, cemaat ve medeniyet erbapları, mahsus arbiy arekâtınıñ iştirakçileri, iş adamları, metsenatlar davet etildi.

 

Qırım MDİ matbuat hızmeti