Qırım Cumhuriyeti ve Sevastopol şeeri Müftisi hacı Emirali Ablayev
qırımlılarnı Qırım Cumhuriyetiniñ Devlet tamğası ve Devlet bayrağı
kününen hayırlay!
"Ürmetli qırımlılar!
Qırım Cumhuriyeti ve Sevastopol şeeri musulmanları diniy
idaresi adından ve şahsen özümden Sizni Qırım Cumhuriyetiniñ Devlet
tamğası ve Devlet bayrağı kününen hayırlayım!
Bizim Vatanımız – acayıp ve güzel Qırım. Milliy simvollarımız
cumhuriyetimizniñ zengin tarihı ve medeniyetini aks ettire. Bayraqnıñ
renkleri facialı keçmişni añdıra ve güzel kelecekke ümütler doğura, eñ
müimi de – üstünde zemanemiz yazılğan temiz saifeni köstere.
Qırım – bütün halqlar birlikte ve dostluqta yaşağan çoqmilletli
bölge misalidir. Biz bunıñnen ğururlanamız.
Er kesge barışıqlıq, qaviy sağlıq, qorantalarğa amanlıq, Vatanımız
Qırımnıñ güzel kelecegine yönelik yañı ve yapıcı işler becermek içün
küç ve muvafaqiyetler tileyim".
Qırım MDİ matbuat hızmeti