Qırım Müftiligi Aqmescit avtonaqliye tehnikumınıñ talebelerinen suhbet keçirdi | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Qırım Müftiligi Aqmescit avtonaqliye tehnikumınıñ talebelerinen suhbet keçirdi

Опубликовано:

Aqmescitteki Kebir caminiñ imamı İsmail Ablayev Aqmescit avtonaqliye tehnikumınıñ talebelerinen profilaktik suhbet keçirdi. Körüşüv devamında din erbabı qoranta institutınıñ müimligi, içtimaiy ağlarnıñ menfiy tesiri, sağlıqnı saqlamaq içün profilaktik tedbirler ve menfiy alışqanlıqlarnıñ yıqıcılığı aqqında tarif etti.

Qoranta institutı aqqında tarif eterek, İsmail Ablayev ana-babalar ve balalarnıñ munasebetleri cemiyetniñ şekillenmesine tesir etkenine urğu yaptı. “Qorantada er kes birinci bilgilerini ala ve ünerlerini ögrene, halqınıñ dinini, ananesini ve turmuşını menimsey. Muhammed Peyğamberimiz (s.a.s.) böyle degen: “Bir babanıñ balasına qaldıra bilecegi eñ büyük mirası – güzel terbiyedir”. Qoranta – bir fert inkişafınıñ, onıñ esas çizgileri inkişafınıñ esasıdır. Umunen, bir insannıñ ayatında muvaffaqiyetli olıp-olmaması qorantasından sebeptir”, – dedi İsmail Ablayev.

İçtimaiy ağlarnıñ tesiri aqqında tarif etken din hadimi olarnıñ menfiy ve müsbet taraflarını ayrıca qayd etti. “Tehnologiya teraqqiyatı devirinde yaşağanımıznı bilip, aqiqiy ayat aqqında unutmayıq. Virtual dünyadan biz faydalı şekilde qullanmaq kerekmiz”, – dedi İsmail Ablayev.

Menfiy alışqanlıqlarnıñ sağlığımızğa tesiri aqqında bildirgen Kebir cami imamı alkogol, tütün ve afyoncılıqnıñ sağlıqqa menfiy tesiri aqqında tarif etti. “Sağlıq – kelecegimizniñ müim temelidir”, – dep yekünledi İsmail Ablayev.

Qırım MDİ matbuat hızmeti