Bağçasarayda, “Azizler” diniy külliyesiniñ saasında Qırım Cumhuriyeti ve Sevastopol şeeri musulmanları diniy idaresi şeer memuriyetiniñ destegi ile talaqa keçirdi.
Talaqa işlerinde Qırım Müftiliginiñ hadimleri, yerli din cemiyetiniñ azaları ve şeer sakinleri iştirak etti. Faaliyetçiler tarihiy “Azizler” mezarlığını ottan, quru yapraqlardan temizlep, çöplügini çıqardılar.
Hatırlatamız, 2006 senesine qadar qadimiy “Azizler” musulman mezarlığı, dürbeleri ve minberinen merkeziy bazar olaraq qullanılğan edi.
Qırım MDİ matbuat hızmeti