Aqmescitteki Kebir caminiñ imamı Dinlerara yaşlar forumında iştirak etti. Tedbir “Zörna” (“Urluq”) hristian ortodoks yaşlar maarif merkezinde olıp keçti. Forum şeer memuriyetiniñ başlığı yanındaki Dinlerara munasebetler şurasınıñ yaşlar taqımı tarafından teşkil etildi.
Forumda Rus ortodoks kilisesiniñ Qırım mitropoliyasına, Yedinci kün adventistleri kilisesine, Ermeni Apostol kilisesine kirgen diniy teşkilâtlarnıñ vekilleri ve Vernadskiy adına Qırım Federal Universitetindeki “Tavriya akademiyası” institutı felsefe fakültetiniñ “Dinşınaslıq” kafedrasınıñ ve Tavriya Diniy seminariyasınıñ talebeleri iştirak ettiler.
Forum iştirakçileri içtimaiy emiyetke saip meselelerniñ çezilüvinde diniy teşkilâtlarnıñ rolüni muzakere ettiler, öz leyihalarını taqdim ettiler, kelecekke planları ve dinlerara formatında faaliyeti boyunca öz fikirlerinen paylaştılar.
QMDİ matbuat hızmeti, Aqmescit şeer memuriyeti matbuat hızmetiniñ malümatına esasen